Improvizuan “varrimin” e saj duke i vendosur lule dhe bërë homazhe – shakaja morbide e banorëve të BBV me Einxhelin pas lëndimit

Ngjarjet në shtëpinë e Big Brother VIP vazhdojnë të zgjojnë vëmendjen e publikut në media.

Së fundmi, një nga ngjarjet më të komentuara është kthyer lëndimi i prezantueses Einxhel Shkira.

Ajo u rrëzua kur tentoi të bëjë një akrobaci me një orendi në formë rrethore, gjersa rrëshqiti dhe ndrydhi krahun.

Shkira tentoi ta kalonte dhimbjen në shtëpi duke u shtrirë në shtratin e saj, por dhimbjet ishin të padurueshme dhe ajo u transportua në spital nën përcjelljen e kamerave.

Lexo po ashtu Einxhel rrëzohet keq në shtëpinë e Big Brother VIP, banorët në pritje të doktorit pasi dyshohet se ka thyer krahun

Kështu, prezantuesja sipas mediave në Shqipëri i është nënshtruar një operimi në krahë dhe gjendja e saj duket stabile.

Megjithatë, fansat e programit ishin të shpejtë për të kritikuar veprimet e disa nga banorëve në rrjetet sociale.

Lexo po ashtu Pas lëndimit në BBV, Einxhel dërgohet në spital nën përcjelljen e kamerave

Bëhet fjalë për momentin ku ata improvizuan me shaka një “varrim” të Einxhelit, duke i shkuar te shtrati dhe duke i hedhur lule sipër e bërë kinse homazhe për të – për të gjitha këto ka qenë e vetëdijshme edhe vet prezantuesja.

Ata dëgjohen edhe duke bërë shaka me lëshimin e frazave vajtuese si: “Po ishe e re…”, “Dagzi do rri pa amrtuar…”, “Po çfarë do bëj Dagzi pa ty moj motër…”, e të tjera.

Megjithatë, shumë nga ndjekësit e kanë kritikuar këtë improvizim duke e quajtur një shaka që nuk duhet bërë në të tilla raste.

Vetëm pak orë pas kësaj, Einxhel u detyrua që të dërgohej për trajtim spitalor. /Telegrafi/

* BIG Brother VIP Albania mund ta ndiqni ekskluzivisht në platformën IPKO, në dy kanale HD, të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.