Imazhet e rrjedhura të ‘iPhone 13’ tregojnë se si mund të duket telefoni i radhës nga Apple

Apple nuk do të zbulojë iPhone-in e ardhshëm deri diku në shtator, por ne mund të kemi parë tashmë një pamje se si do të duket.

Një seri e imazheve që janë shpërndarë në rrjetin social Weibo, tregojnë se si mund të duket telefoni i radhës nga gjiganti amerikan i telefonave inteligjentë.

Ato tregojnë dy modele të bardha të iPhone, me modelin e ri të Apple me një formë të ngjashme me atë të iPhone 12 logon klasike në pjesën e pasme.

Ndërsa më i madhi nga të dy telefonat duket shumë i ngjashëm me iPhone 12 Pro, më i vogli ka një koleksion tjetër të kamerave nga iPhone 12. Natyrisht, shumë tifozë në internet besojnë se kjo është pamja jonë e parë në iPhone 13 dhe iPhone 13 Pro.

Diku tjetër, MacRumors po raporton se kamera e iPhone 13 do të ketë një hapje të f1.8, më e ulët se f2.4 e tanishme në iPhone 12.

Sigurisht, këtë lajm duhet ta merrni me një dozë skepticizmi sepse burimi origjinal i këtyre fotove nuk mund të verifikohet.

Por ka shumë thashetheme që fluturojnë rreth asaj që Apple ka planifikuar për versionin e vitit 2021 të iPhone.

Max Weinbach i EverythingApplePro sugjeroi që Apple do të përdorë një varg më të fortë magnetesh në pjesën e pasme për të mbështetur ngarkuesin pa tel MagSafe.

Nëse Apple i përmbahet kohës së saj të mëhershme të daljes, iPhone 13 do të shpallet në fund të shtatorit dhe do të dalë në shitje disa javë më pas.

Mmund të ketë disa modele për të zgjedhur, përfshirë iPhone 13, iPhone 13 Pro, iPhone 13 Pro Max dhe iPhone 13 Mini. /Telegrafi/