Ilir Shaqiri flet sërish për Luizin: Këtë vit fituesi është shpallur në dyjavëshin e parë të edicionit

Këngëtari nga Shkodra, Luizi Ejlli ka arritur të tërheqë vëmendje të madhe që kur u bën pjesë e Big Brother VIP Albania.

Ejlli ka fituar simpatinë e publikut dhe nga shumë kush po konsiderohet si ‘fenomen’ në lojën e BBVA.

Komentet për rrugëtimin e tij herë pas here ka dhënë edhe fituesi i edicionit të parë të këtij formati, Ilir Shaqiri.

I ftuar në emisionin ‘Rreze Dielli’, balerini profesionit ka folur edhe së fundmi për artistin duke thënë se në një mënyrë ose tjetër tashmë ai është fituesi i këtij edicioni.

Lexo po ashtu Olta Gixhari: Nuk krahasohem me Kiarën, asaj të gjithë rrugën ia ka ndërtuar Luizi

Sipas Ilirit fituesi i këtij edicioni është zgjedhur që në dyjavëshin e parë të BBVA dhe se edhe ai do të preferonte që kurorën të ia dorëzonte pikërisht atij.

Shaqiri tha se ajo që e ka bërë Luizin kaq të dashur për publikun është sepse ai është banori më origjinal brenda shtëpisë së famshme.

“Do të ia dorëzoj atij që do të zgjedh sovrani, e kam ndjekur në mënyrë sipërfaqësore, por mendoj që origjinaliteti është ai që e jep çmimin final dhe të jesh klas në radhë të parë duhet të jesh origjinal dhe kush është origjinal aty brenda unë mendoj që është kuptuar shumë kjart për sa i përket lojës, e kam fjalë për Luizin, ka momente që edhe unë kam qenë më hakmarrëse se aq sa duhet të isha, por mendoj që njerëzit e kanë kuptuar kush është origjinali. Ai është origjinal pa diskutim, mendoj që Luizi ka një lloj argumenti shumë pinkant, mendoj që gjëja më e bukur është kur nuk e di kush është fituese përndryshe është e kot që rrinë para televizorit duke ditur që fituesi është shpallur në muajin e parë ose dyjavëshin e parë të programit”, ka thënë Iliri.

Kujtojmë që Iliri në finale ishte përball aktorit të njohur Donald Veshaj, i cili përkundër që ishte ndër më të komentuarit e edicioni të parë doli i dytë në garë.

Dy finalistet e tjera të BBVA ishin edhe dy vajzat Einxhel Shkira dhe Beniada Nishani-Jakic. /Telegrafi/