Instituti i Kosovës për Drejtësi (IKD), të premten, ka reaguar lidhur me mungesën e transparencës dhe llogaridhënies në procesin e emërimit të kandidatëve për Komisionin e Pavarur të Mediave (KPM).
Sipas IKD-së, mungesa e përfshirjes së monitorimit të shoqërisë civile në procese të tilla cenon rëndë besimin e publikut dhe ulë integritetin e procesit por edhe të kandidatëve në proces.
“Në mënyrë që publiku te këtë mundësi të monitorojë këtë proces duhet të ketë qasje në informacion që procedura te jetë transparente. Qasja në informacion është baza për të gjithë hapat pasues në përfshirjen e OSHC-ve në procesin e vendimmarrjes politike. Ofrimi i informacionit është niveli më i ulët i pjesëmarrjes, i cili zakonisht përbëhet nga një ofrim i njëanshëm i informacioneve nga autoritetet publike, e që në rastin konkret ka munguar informata nga ana e Kuvendit të Kosovës për zhvillimin e këtij procesi, duke ia pamundësuar shoqërisë civile monitorimin e të njëjtit”, thuhet në reagimin e IKD-së.
Reagimi i plotë:
Instituti i Kosovës për Drejtësi (IKD) në kuadër të Programit Qeverisja e Mirë monitoron punën e Qeverisë dhe Kuvendit të Kosovës në procesin e politikbërjes dhe vendimmarrjes.Në kuadër të këtij fushëveprimi, IKD monitoron edhe procesin e emërimit të anëtarëve të KPM, si organ kompetent për rregullimin, menaxhimin dhe mbikëqyrjen e spektrit të frekuencave të transmetimit në Republikën e Kosovës.
Kushtetuta e Kosovës përcakton që “Anëtarët e Komisionit të Pavarur të Medieve zgjedhen sipas ligjit, përmes një procesi transparent.” Njëherit, një përcaktim i tillë gjendet edhe në nenin 11 të Ligjit për KPM.
Këto obligime kushtetuese dhe ligjore nuk janë respektuar në rastin konkret. Komisioni ad hoc i Kuvendit të Kosovës zgjodhi tre anëtarë të KPM-së pa njoftuar publikun për mbajtjen e procesit të emërimit.
Parimet e transparencës dhe qeverisjes së mirë nënkuptojnë obligimin e institucioneve publike, përfshirë Kuvendin e Kosovës, që të sigurojnë proces të hapur dhe mundësi për publikun dhe organizatat jo-qeveritare për të monitoruar procesin e emërimit të anëtarëve të KPM.
Në mënyrë që publiku te këtë mundësi të monitorojë këtë proces duhet të ketë qasje në informacion që procedura te jetë transparente. Qasja në informacion është baza për të gjithë hapat pasues në përfshirjen e OSHC-ve në procesin e vendimmarrjes politike. Ofrimi i informacionit është niveli më i ulët i pjesëmarrjes, i cili zakonisht përbëhet nga një ofrim i njëanshëm i informacioneve nga autoritetet publike, e që në rastin konkret ka munguar informata nga ana e Kuvendit të Kosovës për zhvillimin e këtij procesi, duke ia pamundësuar shoqërisë civile monitorimin e të njëjtit.
Kuvendi i Kosovës dhe asnjë institucion publik nuk mund të thirret në procedurat e brendshme për të shkelur obligimet kushtetuese e ligjore dhe parimet që promovojnë transparencën dhe llogaridhënien.
Në rastin konkret, Kuvendi i Kosovës ka dështuar të respektojë obligimin kushtetues e ligjor që anëtarët e KPM të emërohen në procedura të hapura dhe transparente. Arsyetimi se komisionet ad hoc në përgjithësi nuk publikojnë njoftime për mbajtjen e seancave në faqen zyrtare bie në kundërshtim me kërkesën kushtetuese e ligjore që ky proces të jetë i hapur dhe transparent.
Njëherit, nuk është i qëndrueshëm as argumenti i dhënë nga anëtarët e Komisionit ad hoc se transparenca është respektuar me vetë faktin se zgjedhja e komisionit ad hoc është bërë në procedurë plenare (publike).
Shoqëria civile nuk është njoftuar për datat konkrete të emërimit dhe procesi ka dështuar të jetë transparent. Komisioni i Pavarur i Mediave është institucion që vepron në interesin publik ndaj edhe publiku ka të drejtë që të dijë se kush emërohet në këtë Komision dhe çfarë përfaqëson.Instituti i Kosovës për Drejtësi (IKD) fton Kuvendin dhe institucionet publike që në pajtim me obligimet që ka Kosova në raport me Marrëveshjen për Stabilizim-Asociim, të konsiderojë shoqërinë civile si partner për të promovuar vlerat e sundimit të ligjit dhe qeverisjes së mirë dhe të ndalen praktikat e emërimeve pa pjesëmarrjen aktive të shoqërisë civile.
Mungesa e përfshirjes së monitorimit të shoqërisë civile në procese të tilla cenon rëndë besimin e publikut dhe ulë integritetin e procesit por edhe të kandidatëve në proces”. /Telegrafi/
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Osmani organizoi pritje për përfaqësues të vendeve partnere të Kosovës pas takimit të Këshillit të Sigurimit të OKB-së
Momenti kur Osmani i thotë Vuçiqit "Shihi në sy dhe kërkoju falje katër viktimave të krimeve serbe"
Momenti kur vetura “fluturon” në Veternik dhe përplaset në një pompë derivatesh
Kryesuesja në KS të OKB-së përplaset ashpër me Vuçiqin për minutat e fjalimit
Dështimi i procesit të votimit në veri, BE-ja nuk jep afat kur do të hiqen masat ndaj Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj