Instituti i Kosovës për Drejtësi (IKD), me përkrahje të Departamentit të Shtetit Amerikan – Byrosë së Narkotikëve Ndërkombëtar dhe Çështjeve të Zbatimit të Ligjit (INL) dhe NED-it, të hënën, ka mbajtur konferencë për media, gjatë së cilës është publikuar raporti: “Tendencat për politizim të KPMShCK”, i cili raport është rezultat i analizës së IKD-së për Projektligjin për Plotësimin dhe Ndryshimin e Projektligjit për Këshillin e Pavarur Mbikëqyrës për Shërbimin Civil të Kosovës (KPMShCK).
Gzim Shala, hulumtues i lartë në IKD fillimisht tha se më 30 shtator 2022, Qeveria e Republikës së Kosovës kishte miratuar Projektligjin Nr.08/L-180 për plotësimin dhe ndryshimin e Ligjit nr.06/L-048 për Këshillin e Pavarur Mbikëqyrës për Shërbimin Civil të Kosovë, e që aktualisht, ky Projektligj është duke u shqyrtuar në Kuvendin e Republikës së Kosovës.
Ai tha se në kundërshtim me Kushtetutën, Projektligji synon ta ngushtojë funksionin e KPMShCK, duke i kufizuar kompetencat dhe përgjegjësitë që i garanton Kushtetuta në kuptim të respektimit të rregullave dhe parimeve që rregullojnë shërbimin civil në Republikën e Kosovës.
‘‘Një qasje e tillë cenon rëndë autoritetin e këtij mekanizmi kushtetues, dhe i hap rrugë politizimit të sektorit publik në Kosovë, pasigurisë juridike dhe arbitraritetit ndaj zyrtarëve publik. Fatkeqësisht, po kjo iniciativë legjislative është iniciuar nga Zyra e Kryeministrit’’, tha Shala.
Tutje, ai tha se sipas Projektligjit, KPMShCK nuk do të ketë kompetencë të vendosë për ankesat kundër vendimit të Qeverisë për nëpunësit civilë në pozitat e larta drejtuese. Kundër këtyre vendimeve, pala ka të drejtë të hap konflikt administrativ në gjykatën kompetente në pajtim me ligjin përkatës për konfliktet administrative.
‘‘Kjo dispozitë, është në kundërshtim me disa nene të Kushtetutës. Krahas shkeljes kushtetuese, reflektimi i kësaj dispozite në praktikë paraqet një potencial shumë të lartë për cenim të të drejtave të njeriut, influencë politike në rekrutimin e këtyre pozitave dhe dëmtim të buxhetit’’, shtoi Shala.
Ndërsa, ai tha se Projektligji synon që t’ua marr imunitetin funksional Kryetarit dhe anëtarëve të KPMShCK, e që marrja e imunitetit për kryetarin dhe anëtarët e KPMShCK drejt për së drejti cenon pavarësinë e këtij institucioni si dhe cenon të drejtat e palëve.
‘‘Është absurde të konsiderohet se për secilin rast, anëtarët e KPMShCK do të bartin edhe përgjegjësi civile. Kjo pasiguri juridike do të ndikojë në hezitimin e profesionistëve për tu bërë pjesë e KPMShCK si dhe do të krijojë potencial të madh për politizimin e këtij komisioni nga ana e partive politike që kanë mazhorancën në Kuvend’’, tha Shala.
Po ashtu, ai tha se sipas Projektligjit, në secilin rast kur ndaj vendimit të KPMShCK iniciohet padi në gjykatë, vendimi i KPMShCK nuk do të zbatohet deri në momentin kur gjykata të nxjerrë vendim të formës së prerë.
‘‘Kur kësaj, i shtohet fakti, se procedurat gjyqësore në lëndët administrative marrin mbi tre vite kohë për tu trajtuar, e kthen KPMShCK në një institucion të pa vlerë dhe pa asnjë ndikim, duke marr kompetencat kushtetuese të këtij institucioni’’, ka theksuar Shala.
Sipas tij, përtej dëmtimit të interesave të qytetarëve, kohëzgjatja e procedurave gjyqësore administrative në praktikë cenon në thelb funksionimin normal të shërbimit civil.
Tutje, sipas Shalës, Projektligji në tërësinë e tij është në kundërshtim me Kushtetutën e Republikës së Kosovës dhe me këtë projektligj, një armatë e tërë e dhjetëra mijëra shërbyesve civil mbesin pa mbrojtje efektive juridike të cilëve u pakësohen të drejtat e tyre Kushtetuese.
Andaj, IKD nga ky raport ka theksuar se në këtë Projektligj, nuk ka asnjë dispozitë të vetme e cila nuk bie në kundërshtim me Kushtetutën e Republikës së Kosovës dhe aktgjykimet e Gjykatës Kushtetuese dhe si i tillë, nuk ka asnjë dispozitë që ia vlen të miratohet nga Kuvendi i Republikës së Kosovës.
Për këto arsye, IKD ka vlerësuar se me qëllim të mbrojtjes së Kushtetutës së Republikës së Kosovës dhe mbrojtjes së institucionit kryesor që mbron rregullat e shërbimit civil, Kuvendi i Republikës së Kosovës duhet ta refuzojë këtë ligj.
Për më tepër, gjeni bashkangjitur raportin e IKD-së: “Tendencat për politizim të KPMShCK”.
Promo
Reklamo këtuLufta Prigozhin - Putin
Më shumëNga Rubrika
Masakra në Krushë të Madhe nga forcat serbe, i mbijetuari Elshani rrëfen se çfarë ndodhi para 25 vitesh, plagët që ka dhe jetën që bën
Bujar Osmani pret që Kosova të pranohet në Këshillin e Evropës në prill
Kurti: Demonstratat e vitit 1989, simbol i rezistencës së popullit të Kosovës ndaj shtypjes serbe
Një i vrarë dhe një i plagosur me armë zjarri në Prishtinë
Aplikimi i Kosovës për anëtarësim në Këshill të Evropës, opinioni i Bakoyannis sot në rend dite
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis
Syla: Kemi bashkëpunim me shtetet e NATO-s për blerjen e armatimit
U raportuan tri gropa në "Ndreqe.com", Komuna e Prishtinës intervenon në rregullimin e tyre
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes