Icardi te Arsenali mund të bëhet, Wanda Nara ngjall dyshime me një fotografi në rrjetet sociale

Gruaja dhe agjentja e sulmuesit, Mauro Icardi ka ngjallur dyshime për transferimin e argjentinasit te Arsenali në verë.

Sipas mediumit britanik Daily Express, gruaja e Icardi ka dhënë një sugjerim indirekt se ylli argjentinas mund të jetë në rrugën e tij për të kaluar te Arsenali.

Sulmuesi argjentinas ka qenë në huazim në Paris Saint-Germain këtë sezon, por nuk dihet nëse ai do të qëndrojë sezonin e ardhshëm.

Lexo po ashtu PSG kërkon vazhdim të huazimit ose zbritje të çmimit për Icardin

PSG dëshiron të zgjasë huazimin e tij për një vit tjetër në vend që të paguajë 70 milionë euro që do të duheshin për transferimin e përhershëm të lojtarit.

Sidoqoftë, Interi nuk ka dëshirë ta lejojë atë përsëri në huazim, dhe besohet se po eksplorojnë opsione të tjera për ta transferuar, ku ndër to janë edhe Topçinjtë.

Lexo po ashtu Chiellini: Icardi ndër kundërshtarët më të mëdhenj që jam përballur, vetëm imagjinoni një partneritet të tij me Lukakun dhe Lautaron

Edhe gruaja e tij Wanda Nara dha një sugjerim indirekt se në të vërtetë mund të bëhet një marrëveshje pasi ajo postoi një imazh në Instagram ku tregonte djalin e saj me një fanellë të Arsenalit.

Gjatë javëve të fundit është përfolur edhe një mundësi shkëmbimi të Icardit me Pierre-Emerick Aubameyang, i cili gjithashtu pritet të largohet nga Emirates. /Telegrafi/

https://twitter.com/AFCPress/status/1260815114531295233