Komediani e këngëtari shqiptar, Bes Kallaku, është mjaft aktiv dhe i afërt me fansat e publikun.
Jashtë muzikës e karrierës prej aktori, ai shquhet për zemrën e madhe e po ashtu për ndihmat që ka bërë herë pas here për ata që kanë nevojë.
Ai së fundmi ka befasuar një djalosh 12-vjeçar në spital, njëherësh fans të tij, i cili vuan nga tumori.
Bes Kallaku (Foto: Instagram)
“Kristi Saka, 12-vjeçari me tumor rëndë, ëndërronte të më takonte prej vitesh, por ne bashkë duhet të bëjmë realitet që ai të shërohet orë e më parë. Në gjendje të rëndë ekonomike, me baba të paralizuar, e një nënë që shpreson tek ndihna jonë, ju bëj thirrje të kontribuoni të gjithë sipas mundësive”, ka thënë Besi.
“Fjalët tjera mi kanë marrë lotët e Kristit e lutjet e nënës së tij për ndihmë”, u shpreh më tej aktori.
Bes Kallaku (Foto: Instagram)
Në videon e publikuar në rrjete sociale, djaloshi duket të jetë prekur nga befasia që iu bë meqenëse e do shumë komedianin shqiptar.
Kallaku ndërkaq po vazhdon me sezonin e dytë të emisionit të tij, “Kosherja”. /Telegrafi/
