Pas amerikanëve tani edhe evropianë mund të llogaritin në veturën elektrike Hyundai Ioniq 5, bateria e të cilit ka kapacitete prej 77.4 kWh.
Përveç ridizajnimit të modelit Ioniq 5, Hyundai ka përgatitur për blerësit në Evropë opsionin e paralajmëruar më herët, që me vete sjellë baterinë me kapacitet prej 77.4 kWh, që i siguron Ioniqit dhjetëra kuaj-fuqi shtesë për të përshkuar 507 kilometra me vetëm një mbushje të baterisë, transmeton Telegrafi.
Megjithatë Ioniq 5 akoma do të ofrojë versionin standard në kombinim me bateritë me kapacitet më të vogël 58 kWh.
Hyundai ka përgatitur katër pako të ndryshme, e në kulmin e ofertës është Namsan Edition me të cilin blerësit mund të llogaritin shumë, në veçanti në kapacitetin e madh të baterisë – dy motorë elektrik që në mënyrë të kombinuar prodhojnë 325 kuaj-fuqi.
Ioniq 5 është një veturë kompakte, lehtë e manovrueshme dhe e përshtatshme për ngasje si në terrene malore ashtu dhe në asfalt. /Telegrafi/
