Hungarezët e 4iG blejnë 80 për qind të aksioneve të Albtelecom në Shqipëri

Kompania hungareze e menaxhimit të shërbimeve të teknologjisë së informacionit, 4iG ka njoftuar përmbylljen e procedurave për blerjen e 80.27 për qind të aksioneve në kompaninë shqiptare të telekomunikacionit Albtelecom.

Aksionet e Albtelecom mbaheshin nga kompania Cetel Telecom, një degë e grupit turk Calik Holding.

Sipas njoftimit të 4iG, pas transaksionit, shteti Shqiptar vazhdon të zotërojë një pakicë të aksioneve në Albtelecom nëpërmjet Ministrisë së Financave dhe Ekonomisë, e cila mban 13.78 për qind të aksioneve dhe Postës Shqiptare, e cila ka 2.47 për qind të aksioneve.

Pjesa e mbetur prej 3.48 për qind shpërndahet midis aksionarëve të tjerë.

Autoriteti i konkurrencës në Shqipëri miratoi shitjen e shumicës së aksioneve të Albtelecom te 4iG në janar.

Si pjesë e marrëveshjes, Calik Holding do të rrisë kapitalin në kompaninë 4iG në më shumë se 8 miliardë forinta hungareze [20.4 milionë euro], duke zotëruar 5 për qind të aksioneve në kompaninë hungareze.

I themeluar në vitin 1912, Albtelecom është ofruesi më i madh i shërbimeve të telekomunikacionit fiks dhe operatori i tretë më i madh celular në Shqipëri.

Sipas të dhënave të fundit, Albtelecom ka regjistruar të ardhura prej 57.9 milionë euro dhe fitime të përgjithshëm prej 17.4 milionë euro në 2020.

Kujtojmë se kompania hungareze 4iG ka arritur një marrëveshje përfundimtare për të blerë ONE Telecommunications dhe pret miratim nga institucionet shqiptar. ONE është operatori celular i dytë më i madh në Shqipëri. /Telegrafi/