Instituti Demokratik i Kosovës (KDI) përmes një tryeze shpalosi raportin e monitorimit të aktiviteteve të prokurimit në Ministrinë e Infrastrukturës. Analiza “Rruga tek paratë” kishte fokus tenderin për mirëmbajtjen verore dhe dimërore të rrugëve nacionale dhe rajonale dhe kishte vështruar pesë fazat e prokurimit duke përfshirë përgatitjen e specifikacioneve, vlerësimin dhe zbatimin e kontratës.
Analiza evidentoi një numër parregullësish, evitimi i të cilave do të çonte në kursime të buxhetit për 1.9 milion euro.
Artan Canhasi nga KDI-ja tha se kishte përmirësime të dukshme të transparencës së Ministrisë së Infrastrukturës kur krahasohet me vitin 2013, kohë kur KDI-së nuk i është lejuar qasje në dokumente publike.
“’Rruga tek paratë’ asocon me atë që sot është jo vetëm percepcion, por edhe fakt dhe mendim publik vendor e ndërkombëtar, se infrastruktura e Kosovë ka qenë ndër nevojat emergjente të Kosovës ku më së shumti është investuar nga buxheti shtetëror. Por, ‘Rruga tek paratë’ është parë si mundësi e përvetësimit dhe keqpërdorimit të shumë fondeve publike, pasi që shpeshherë është raportuar për afera korruptive, prandaj duke qenë se infrastruktura rrugore edhe ashtu kanë zënë prioritet në programet qeverisëse, ne si taksapagues nuk mund të tolerojmë keqmenaxhim të mëtejme të parasë në mirëmbajtjen e tyre”, tha Ismet Kryeziu, Drejtor Ekzekutiv në KDI-së.
“Në fillim të projektit, pati zotime nga Ministria e Infrastrukturës, Shëndetësisë dhe AQP-ja për përmirësimin e transparencës. Kur ka vullnet politik është e mundur të përmirësohet gjendja. Vullneti I mirë po ashtu mund të konvertohet në kursime të cilat mund të rrisin mirëqenien e qytetarëve”, tha Ruairi O’Connell, Ambasadori Britanik në Kosovë.
Në anën tjetër, Lutfi Zharku, Ministër I Infrastrukturës theksoi se “jemi të vetëdijshëm që transparenca në prokurim është tejet kritike. Shifrat dhe shpenzimet enorme buxhetore në këtë fushë dëshmojnë për nevojën e rregullimit të kësaj fushe, ndërsa transparenca në këto transaksione do të rrisë besimin në qeveri”.
Aferat korruptive dhe mungesa e vullnetit politik për sistemin e prokurimit publik dhe sot janë të diskutueshme, pasi që ende s’kemi të zgjedhurit për të udhëhequr OSHP-në. Dështimi i zgjedhjes së tyre më së miri e dëshmon ndërhyrjen dhe pazaret politike për të dominuar institucionet e pavarura.
Ndërsa Safet Hoxha, udhëheqës i KRPP-së, theksoi se KDI përmes kontributit dhe raporteve të saj po e ndihmon punën e institucioneve. KDI ka perfeksionuar procesin e monitorimit dhe ne i shohim si partner. Në këtë drejtim ftoj edhe mediat që të bëhen pjesë e këtij partneriteti, pasi kemi të bëjmë me shpenzimin e taksave të qytetarëve.
KDI ofroi edhe një numër rekomandimesh për të përmirësuar prokurimin në Ministrinë e Infrastrukturës dhe kërkoi që në të ardhmen inspektimi në terren të bëhet gjatë vlerësimit të kontratës dhe jo pas nënshkrimit të saj; Procesi i prokurimit të fillojë menjëherë me miratimin e buxhetit; Të mos lejohen shërbime shtesë, të cilat kalojnë vlerat e kontraktuara; dhe nga KRPP kërkoi që të shtojë monitorimin për kontratat e mëdha.
KDI në kuadër të këtij projekti ka prodhuar edhe raport të detajuar për aktivitetet e prokurimit në AQP dhe pritet të publikojë së shpejti edhe raportin për Ministrinë e Shëndetësisë.
Ky projekt është mbështetur nga Ambasada e Mbretërisë së Bashkuar në Kosovë. /Telegrafi/
Promo
Reklamo këtuLufta Prigozhin - Putin
Më shumëBëhu banor i kompleksit luksoz bregdetar “Holiday In 2” - Shëngjin
Për herë të parë në Kosovë vjen "Peja Outdoor Tourism Festival"
Ndrroje kerrin e vogël me Dacia Duster të ri për rrugë të gjata - Auto Mita
Telegrafi Jobs hap dyert për mundësi emocionuese për karrierë
Murati thirrje qytetarëve të regjistrohen: Pensionet, shtesat e fëmijëve, e shumë vendime tjera do të varen nga ky regjistrim i popullsisë
“Dal në treg e kthehem me duar në xhepa”: A i kontrollon kush çmimet?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë