Analisti politik, Ylli Hoxha, deklaroi se edhe pse kryetari i PDK-së, në publik mund të shihet si humbës për shkak të dështimit për shkuarje në zgjedhje të parakohshme, kjo nuk është e vërtetë.
Ai në “Debat Plus”, tha se humbës mund të shihet më shumë Albin Kurti për shkak se ai ishte ideator i shkuarjes në zgjedhje.
“Ndonëse Memli duket si humbës publik, nuk e shoh si një humbës, Albin Kurti ka humb një betejë. Iniciativa për zgjedhje ka qenë e Kurtit. Memli ka qenë instrument që ka reagu politikisht si duhet, ndaj një oferte të Qeverisë. Kur thotë Qeveria shkojmë në zgjedhje, pritet që partitë opozitare thonë po”, tha ai.
Ai tha se kjo ka shpërfaqur edhe disa probleme me grupin parlamentar të LVV-së.
“Ndaj Kurtit janë shkaktu problem serioze me këtë hap. Është vërtetu që Kurti nuk i ka nën kontroll grupin parlamentar. Dy grupe që mund të jenë formë e përcaktimit elektoral, që mund të ketë kosto elektorale. Grupi i Vjosa Osmanit, është evidentu një qarje. Grupi i konservatorëve, që kanë bindje fetare”, tha ai.
Ai theksoi se në kuptimin afatgjatë LVV-ja do dëmtohet më shumë se PDK-ja pas perceptimit se këto dy parti po afrohen mes vete./Telegrafi
Nga Postman
Nga MEKA HALAL FOOD
Nga Prishtina Ticket
Nga AZTECH Electronics
