Historiku i ish-presidentëve në Maqedoni në vigjilje të zgjedhjeve për të parin e vendit (Foto)
Zgjedhjet presidenciale në Maqedoninë e Veriut mbahen sot ku për të parin e shtetit janë në garë tre kandidatë, Blerim Reka, Gordana Siljanovska-Davkova dhe Stevo Pendarovski.
Maqedonia nga sistemi politik pluralist ka pasur katër presidentë, Kiro Gligorov, Boris Trajkovski, Branko Crvenkovski, Gjorge Ivanov.
Telegrafi ju sjell të plotë informacionin për çdonjërin nga ish-presidentët e shtetit.
Kiro Gligorov (1917-2012)
Është zgjedhur president si kandidat i pavarur më 18 shtator të vitit 1991 dhe ka mbajtur dy mandate, deri në vitin 1999. Kujtojmë se në vitin 1994 të njejtit i është bërë një atentat dhe ndërkohë detyrën e presidentit të përkohshëm e ka mbajtur Stojan Andov, kryetar i atëhershëm i Kuvendit të Maqedonisë.
Gligorov ka lindur më 3 maj, 1917 ndërsa ka vdekur në vitin 2012. Në vitin 1995 i është bërë atentat nga një veturë e parkuar rreth rrugës ku kalonte delegacioni i presidentit të atëhershëm që ishte nisur drejt zyrës së tij nga rezidenca e kryetarit të shtetit. Gjatë atentatit i vdekur mbeti shoferi i tij kurse u lënduan disa kalimtar rasti.
Nuk ka ende informacion rreth organizatorëve të atentatit ndaj presidentit të atëhershëm, Kiro Gligorov. Gligorov ka pasur grada të larta në udhëheqësinë e ish-Jugosllavisë, njofton Telegrafi Maqedoni.
Boris Trajkovski (1956–2004)
Është zgjedhur president si kandidat i OBRM-PDUKM-së së atëhershme. Trajkovski u zgjodh president pas fitores më 14 nëntor të vitit 1999, ndaj Tito Petkovskit që atëherë ishte kandidat i LSDM-së për president. Boris Trajkovski ka qenë një ndër nënshkruesit e Marrëveshjes së Ohrit pas konfliktit të armatosur në vitin 2001 në Maqedoni.
Trajkovski vdiq nga rrëzimi i aeroplanit zyrtar Beechcraft Super King Air 200 në pronësi të shtetit. Ngjarja e kobshme në mes vendeve Poplat dhe Vrsnik në Herzegovinë atëherë do të mirrte jetën e gjithë anëtarëve të ekipazhit të avionit Super King Air.
Arsyeja e rrëzimit të avionit nuk dihet. Por, spekulohet se ka qenë gabim i kontrollit ajror të Mostar Ortijes International Airport.
Trajkovski është varrosur me nderime të larta shtetërore kurse familja e tij, pasurinë e ka shkrirë në Boris Trajkovski Foundation.
Trajkovski gjatë shërbimit të tij si kryetar shteti ka marrë disa çmime për paqe dhe zhvillim të vendit dhe rajonit, njofton Telegrafi Maqedoni.
Branko Crvenkovski (i lindur 1962-)
Është zgjedhur president si kandidat i LSDM-së dhe ka shërbyer vetëm për 5 vite, apo një mandat. Ai gjithashtu ka qenë kryeministër dhe kryetar i LSDM-së në Maqedoni.
U zgjodh si President i shtetit pas fitores së ngushtë ndaj Sashko Kedev të OBRM-PDUKM-së së atëhershme. Në pozitën e kryetarit të shtetit është zgjedhur pasi kishte lënë zyrën e kryetarit të Qeverisë.
Ai është ende gjallë dhe aktualisht nuk merret me politikë dhe nuk është parë me opinion për politikat ditore.
Shqiptarët do ta njohin si politikan me karrierë dhe me vendime kontraverse. Në vitin 1996 shkaktoi trazira etnike në vend kur dha urdhër që të hiqet flamuri kombëtar shqiptar para ndërtesave zyrtare në pjesët shqiptare në Maqedoni.
Në vitin 2005 në bashkëqeverisje me BDI-në ishte pajtuar që të legalizohet flamuri shqiptar në Maqedoni.
Crvenkovski një ndër të paktat njohje dhe çmime ndërkombëtare e ka marr në Tiranë. Më 5 tetor të vitit 2011 ai nga kryetari i atëhershëm i Bashkisë së Tiranës, Edi Rama e kishte marrë Çelësin e qytetit.
Gjorge Ivanov (i lindur më vitin 1960)
Presidenti i fundit, para zgjedhjeve presidenciale që mbahen sot (21.04.2019).
Është zgjedhur president si kandidat i pavarur dhe i mbështetur nga OBRM-PDUKM-ja. Ka mbajtur dy mandate (2009-2019), aq sa është i lejuar sipas Kushtetutës.
Në garën për mandatin e parë (2009-2014) e mundi Ljubomir Frçkovskin e LSDM-së. Atëherë vendimarrës ishin votat e shqiptarëve.
Ndërsa në garën për mandatin e dytë (2014-2019) e mundi kandidatin edhe të tanishëm, Stevo Pendarovski.
Ivanov ka udhëhequr si President nën hijen e vendimeve të OBRM-PDUKM-së dhe Nikolla Gruevskit, i akuzuar nga opozita dhe nga sektori jo-qeveritar.
Ai do të njihet për faljen e ish-zyrtarëve të OBRM-PDUKM-së dhe pastaj tërheqjen e kësaj falje nga krimet si pushtetar.
Gjithashtu, Ivanov do të njihet edhe për mosnënshkrimin e dyfishtë të Ligjit për përdorimin e gjuhëve, respektivisht për përdorimin e gjuhës shqipe në Maqedoni.
Sot do të mbahet rrethi i parë i votimeve për kryetar të shtetit në Maqedoni ndërsa rrethi i dytë në mes dy fituesve të parë në garën mes tre kandidatëve, do të mbahet më 5 maj. /Telegrafi/
Promo
Reklamo këtuLufta Prigozhin - Putin
Më shumëBrohoritje 'Zdravo', 'Albin hajni' dhe mjete piroteknike gjatë tubimit të Kurtit në Skenderaj
Çfarë fsheh aksidenti në Çubrel ku vdiqën tre persona? Ekspertët kërkojnë hetime të thella dhe përgjegjësi
I mituri rrëfen ngacmimin seksual nga 45-vjeçari: Më ka thënë hajde me mua, do të jap para, do të çoj këtu...
Tragjedia në Çubrel të Skenderajt - arrestohet polici që shkaktoi aksidentin ku vdiqën tre persona
IPK jep detaje për aksidentin me fatalitet në Skenderaj, u shkaktua si pasojë e humbjes së kontrollit të veturës nga polici
Nis gjykimi për vrasjen e Liridona Ademajt, deklarohet Naim Murseli
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Aksidenti me tre viktima në Çubrel të Skenderajt: Edhe pesë të lënduar, katër prej tyre zyrtarë policorë
Driloni: Banorët nuk më uruan fitoren, e di që më kanë inati
Kurti reagon pas aksidentit me tre të vdekur në rrugën Mitrovicë-Pejë
Publicisti serb: Beogradi duhet të përballet me realitetin për Kosovën, iluzion të pritet një ndryshim i politikës amerikane
Afati kalimtar i janarit: Transferimet minutë pas minute, emra të mëdhenj në bisedime
E quajti Ramush Haradinajn “gjeneral të vetëshpallur”, OVL-UÇK në Pejë i reagon Gërvallës