Historia më e suksesshme e një klubi të refugjatëve – Kurdët themeluan klubin në Suedi dhe e quajnë përfaqësuese të vendit të tyre, sot pjesë e elitës së futbollit suedez (Foto/Video)

Fansat e futbollit kurdë anembanë botës kanë festuar në këtë fundjavë, pasi në mungesë të Kombëtares së tyre, ata kanë krijuar një klub në Suedi dhe pas 13 vitesh janë pjesë e elitës së futbollit suedez. 

I krijuar nga emigrantët kurdë në qytetin e Borlaenge, klubi Dalkurd sot ka 1.5 milion ndjekës në Facebook dhe shumica e tyre janë kurd që jetojnë në shumicën e vendeve të botës.

Rawez Lawan e ka shënuar golin e vetëm kundër GAIS në ndeshjen vendimtare për t’i dhënë promovimin klubit kurd.

Prindërit e Lawan janë nga Slemani, qytet në kufi mes Iranit dhe Irakut, ndërsa ata kanë emigruar në Suedi në vitin 1981 në Malmo, ku pas gjashtë viteve iu lindi një djalë.

“Për momentin po kalojmë një kohë të vështirë në Kurdistan dhe sot ka shumë njerëz me buzëqeshje në fytyrat e tyre”.

“Ata mund të harrojnë jetën e përditshme për një çast dhe ta shijojnë këtë moment që e kemi arritur”,  ka thënë Laëan për Reuters pas ndeshjes historike për ta.

Historia e krijimit të klubit dhe aksionarët miliarderë kurdë

Dalkurd, njihet si përfaqësuesja e një vendi që nuk ekziston, por që luante në divizionin e dytë suedez.

Plot 13 vjet më parë ata nuk kishin një emër, një stemë dhe një fanellë. Por kurdët ja arritën dhe e krijuan klubin, edhe pse refugjatë në Suedi.

Për 13 vite ata kaluan plot shtatë rangje duke u ngjitur dhe sot janë pjesë e elitës së futbollit suedez. Dëshira e tyre është që vitin e ardhshëm të luajnë ndaj turqve të Galatasaray ose Fenerbahce në Ligën e Kampionëve.

Turqia një vend me shumë kurdë, ndërsa ata shtrihen edhe në vende të tjera si Siri, Irak dhe Iran.

Në vitin 2004, nëntë refugjatë kurdë formuan skuadrën. Stema e klubit kishte flamurin e Kurdistanit. Klubi fillimisht u forma që t’i mbanin emigrantët kurdë larg rrugëve.

Skuadra u rrit shumë dhe në vitin 2016, shoqëria që e zotëronte klubit shiti 49% të aksioneve te dy miliarderë, vëllezërit Sarkar the Kawa Junad.

Pjesë e suksesit është edhe një shqiptar, Kujtim Bala nga Kosova, që luan mbrojtës nga vitin 2016.

Jetojnë këtë mrekulli edhe pse ishin afër vdekjes

Lojtarët dhe stafi i kishin shpëtuar një tragjedie si ajo e Chapecoenses. Ishte viti 2015 kur klubi nuk kishin hipur në fluturimin e destinuar për ta.

Në atë aeroplan vdiqën 150 persona. Futbollistët ishin në Spanjë dhe vendosën të marrin linja të tjera udhëtimi e jo aeroplanin që u përplas.  /Telegrafi/