Joe Biden shpesh u flet njerëzve se gruaja e tij nuk është pajtuar të martohet me të pa ndodhur pesë propozime. E vërteta është se ajo e ka dashuruar nga fillimi – të paktën kështu thotë Jill Biden.
Kjo fjalë ka një fotografi të bukur për romancën e tyre, në të cilën ajo ka dashur të sigurohet se ai vërtetë e dashuron – e pas kësaj e tërë jeta e tyre ka qenë përkrahje dhe dashuri, transmeton Telegrafi.
Joe, 78-vjeç dhe Jill, 69, që sot zyrtarisht fituan epitetin e presidentit dhe Zonjës së Parë, janë njohur në një takim “të verbër” në vitin 1975, që ua kishte organizuar vëllai i Joe, Frank.
Joe asokohe ishte një senator 33-vjeç, kurse 24-vjeçarja Jill Taylor Jacobs kishte mbaruar fakultetin. Që të dy tashmë kishin qenë më herët të martuar, Joe me Neil kurse Jill ishte ndarë në vitin e parë të fakultetit.
“Kam përfunduar fakultetin dhe kam dalë me djem me xhinse dhe atlete. Kur Joe u fut përmes derës, e pashë se kishte një bluzë sportive. Mendova që as për një milion vite nuk do të jemi bashkë. Ishte nëntë vite më i vjetër se unë. Kemi shkuar në kinema, kur më përcolli deri në shtëpi i shtrënguan duart dhe i urova një natë të mirë. Në ora një të natës i telefonova nënës për t’i thënë: ‘më në fund e kam gjetur një zotëri’”, ka shpjeguar Jill që nuk ka hezituar të tregojë për Vogue se si është njoftuar me presidentin amerikan.
Dyshja u martuan në vitin 1977, pasi që për pesë herë i propozoi Joe.
“I thosha vazhdimisht, jo ende, jo ende… Kjo ndodhte për shkak se doja të dashurohesha në djemtë e tij dhe kisha një parandjenjë që kjo martesë nuk guxon të dështojë. Djemtë tashmë kishin humbur të ëmën dhe nuk mund të lejoja që të më humbin edhe mua. Është dashur të jem qind për qind e sigurtë në këtë”, ka shtuar Jill.
Ata u martuan më 17 qershor të vitit 1977 në New York, muajin e mjaltit e kaluan së bashku me djemtë e Biden nga martesa e parë, Beau dhe Hunter.
Shpejtë sollën në jetë bijën e tyre Ashley që lindi në vitin 1981.
“Kështu familja jonë u kompletua”, ka thënë Jill për bijën e saj biologjike.
Kjo profesoreshë e gjuhës angleze, ka lindur më 3 qershor të vitit 1951 në qytezën Hamontoown në New Jersey – gjithmonë ishte pranë bashkëshortit dhe karrierës së tij politike.
Gjatë kandidaturës së tij për president në vitin 1987, gjithmonë ishte pranë tij në tubime – njëjtë ka qenë kur edhe u tërhoq nga gara.
“Si grua e një politikani, e kam kuptuar se besnikëria po i shërben për të mirë. Kur u dëshmua se nga kandidatura për president në vitin 1987 nuk do të ketë asgjë, njerëzit vazhdimisht kërkonin pikat e dobëta të ekipit tonë. Të gjithë jemi ndjerë sikur jemi nën llupë, por kam refuzuar të tregojë ndonjë shenjë dobësie”, ka shpjeguar Jill.
Viti i ardhshëm ishte i vështirë për familje sepse Joe më 1988 kishte dy sulme në tru. Gjatë shërimit ka pasur edhe probleme me mushkëri por arriti të shërohet, kurse Jill ka treguar se si e ka pasur të vështirë ta shikojë se si ndihma e parë po e largonte nga shtëpia.
Dashurinë e madhe për Jill, Joe shpesh ka folur duke i kushtuar një hapësirë të madhe edhe gjatë memoareve “Premtimet që duhet përmbushur” të botuara më 2007.
“Ajo më ka rikthyer jetën. Për shkak të saj kam filluar të mendoj që familja ime mund të jetë sërish e plotë”, kishte shkruar Biden në memoar.
E Jill më 2007 doktoroi në Universitetin Delaware, kurse vitin e ardhshëm Joe iu fut garës me Barack Obamën, të cilit më vonë i shërbeu si zëvendëspresident. Dy familjet krijuan një afërsi të madhe.
Gjithmonë pranë njëri-tjetrit, Jill gjatë asaj kohe u bë Zonja e Dytë e cila gjatë asaj kohe punonte me orar të plotë si profesoreshë e gjuhës angleze.
“Pasi që Joe u bë zëvendëspresident, njerëzit filluan të pyesin nëse mundem të njëjtën kohë të jem Zonja e Dytë dhe të jap mësim. Vetëm Joe nuk ka bërë një pyetje të tillë. Ka qenë pranë meje dhe më thoshte se mund ta bëjë”, ka shtuar Jill.
Se a e ka përballuar dashuria e tyre testin e kohës, tregon më së miri edhe gjesti i Joe kur në vitin 2010 në oborrin e rezidencës së zëvendëspresidentit amerikan në një pemë vendosi një luhatëse dhe një pllakë që shkruante: “Joe e dashuron Jillin, Dita e të dashuruarve 2010”.
Në vitin 2015, familja përjetoi humbjen e madhe kur Beau ndërroi jetë nga kanceri. Joe asokohe ishte mërzitur aq shumë, sa që kishte tërhequr kandidaturën e tij për president në vitin 2016.
Tre vite më vonë, Jill më 2019 nxori në shitje librin që flitë për ditë e hershme të lidhjes së saj me Joe.
“Pas që u zhgënjeva nga martesa e parë, kurrë më nuk kam dashur të ndjej aq që ka ndjerë zemra ime. Por gjatë muajve të parë të lidhjes sonë, kjo dëshirë ndryshoi – u dashurova”, ka shkruar ajo në libër.
Gjatë fushatës së fundit të Joe, Jill ka qenë mbështetja dhe mbrojtësja më e madhe e tij. Asokohe për herë të parë nga viti 1981 pauzoi nga arsimi për ta mbështetur.
Se sa spontan është çifti është dëshmuar më së miri në tubimin e Iowas në vitin 2019, kur Joe gjatë fjalimit të tij ia kafshoi gishtin gruas së tij.
Ajo më pas vazhdoi me prezantimin e tij dhe mbajti dorën pas shpinës. Shumë e kanë përshkruar këtë moment si tregues së ata ende duhen, e këtë e ka konfirmuar Jill në një interviste të mëvonshme.
“Jemi fajtor për këtë, sepse duhemi shumë. Askush nuk do ta prek Joe tim”, ka thënë ajo. /Telegrafi/
Lufta Prigozhin - Putin
Më shumëNga Rubrika
Pse Papa ia lan dhe ia puthë këmbët të burgosurve – edhe këtë vit e bëri të njëjtin veprim kreu i Kishës Katolike
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja
Sanduloviq: Mediat e Vuçiqit të implikuara direkt me kriminelë që janë nën sanksione të SHBA-së
Ukrainasit rrëzojnë aeroplanin ushtarak rus që kushton gati 80 milionë euro
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles
Putin me deklaratë qesharake: Jemi sulmuar, prandaj po luftojmë
Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë
I kishin vendosur për ukrainasit, e pësuan vetë – rusët hidhen në erë nga minat që bashkëluftëtarët e tyre i kishin montuar për ushtarët e Kievit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes