Ish-kandidatja demokrate për presidente Hillary Clinton ka përjashtuar mundësinë e kandidimit për zgjedhjet presidenciale të vitit 2020 në SHBA.

Sipas mediave të huaja, përcjell Telegrafi, ish-sekretarja e shtetit, ish-senatorja dhe ish-Zonja e parë tha se nuk do të bëjë një ofertë për Shtëpinë e Bardhë në vitin 2020, por u zotua se ajo nuk do të shkojë askund gjatë një interviste të publikuar të hënën nga stacioni televiziv i New Yorkut, News12.

“Unë do të vazhdoj të punoj dhe të flas dhe të qëndroj në këmbë për atë që besoj”, ka thënë Hillary Clinton, e cila humbi zgjedhjet presidenciale të vitit 2016 ndaj presidentit të tanishëm Donald Trump.

Ajo është pyetur nëse Bernie Sanders kanë një shans për të mundur Donald Trumpin?

“… llojet e gjërave që po ndodhin tani janë thellësisht shqetësuese për mua”, është përgjigjur Hillary Clinton.

Ndryshe, një numër i politikanëve të lartë amerikanë kanë njoftuar se do të konkurrojnë për “biletën” e Partisë Demokratike, duke përfshirë senatorët Cory Booker dhe Kamala Harris, si dhe senatorin progresiv Bernie Sanders, i cili humbi nga Clinton në primaret Demokratike të 2016-ës. /Telegrafi/