Higuain heziton të huazohet te Milani, kërkon garanci nga Leonardo

Sulmuesi i Juventusit, Gonzalo Higuain thuhet se po heziton për një huazim të mundshëm te Milani, por megjithatë do të takohet me Leonardo të martën.

E ardhmja e sulmuesit argjentinas është në pikëpyetje dhe mes shumë skuadrave që nga afrimi i Cristiano Ronaldos te Juventusi nga Real Madridit.

Gjatë javëve të fundit është folur shumë për një transferim te Chelsea, por edhe me Milanin një mundësi reale.

Lexo po ashtu Chelsea ofron Moratan plus para për Higuainin dhe Caldaran

Sipas mediumit Sky Sport Italia, Juventusi i ka thënë Higuain se janë të lumtur që argjentinasi të bashkohet me Milanin në huazim me mundësi blerje.

Ky medium paralajmëron se argjentinasi nuk është tepër i bindur nga ky propozim i bërë së fundmi.

Megjithatë, Higuain pret që Leonardo – menaxher i ri i Rossonerëve – të garantojë atë që klubi do ta blejë atë plotësisht në verën e ardhshme.

Lexo po ashtu Arrihet marrëveshja, Bonucci rikthehet te Juventusi - Higuain te Milani?

Kuqezinjtë pritet të ofrojnë 20 milionë euro për huazimin, për të pasur më shumë mundësi për ta transferuar atë në mënyrë të përhershme.

Sky përfundon se 30-vjeçari do të bëhet lojtari më i paguar i Milanit nëse ai miraton kalimin në San Siro. /Telegrafi/