Hetuesit besojnë se Juventusi shkatërroi dokumentet, përfshirë marrëveshjen me Ronaldon
Hetimi për mashtrimin e mundshëm financiar të Juventusit vazhdon dhe prokurori i Torinos beson se klubi shkatërroi dokumente konfidenciale, duke përfshirë një marrëveshje private me Cristiano Ronaldon.
Zyrat u bastisën në shumë qytete në të gjithë Italinë dje si pjesë e hetimit në lidhje me mashtrimin e mundshëm financiar të Juventusit. Hetuesit tani janë duke u fokusuar në marrëveshjet e arritura nga Zonja e Vjetër për të ulur pagat e lojtarëve në mars 2020, pas pezullimit të Serie A për shkak të pandemisë COVID-19.
“Efektet ekonomike dhe financiare të mirëkuptimit të arritur janë pozitive për rreth 90 milionë euro për vitin financiar 2019/2020. Mirëkuptimi parashikon uljen e kompensimit për një shumë të barabartë me pagesat mujore të muajve mars, prill, maj dhe qershor 2020”, deklaronte Juventusi në një deklaratë.
Ky vendim shkaktoi një efekt financiar pozitiv prej rreth 90 milionë euro, por prokurori i Torinos beson se lojtarët e Juventusit përfundimisht morën të paktën 60 milionë euro përmes marrëveshjeve private me klubin, të cilat nuk janë raportuar.
Midis dokumenteve të sekuestruara në selinë e klubit, hetuesit gjetën “disa të dhëna private të emërtuara në mënyra të ndryshme si pjesë e dy manovrave të pagave për vitet financiare 2019/2020 2020/21 dhe të pa depozituara në organet kompetente”.
Sipas raportit të La Gazzetta dello Sport, dje është bastisur edhe selia e Ëorld Soccer Agency, që i përket agjentit Alessandro Lucci. Lucci është përfaqësuesi i Leonardo Bonucci, Juan Cuadrado, Mattia Perin dhe Dejan Kulusevski.
Juve, l’inchiesta si allarga, tra stipendi manovrati e documenti da distruggere https://t.co/rcArzsbO31
— informazione sport (@infoitsport) March 24, 2022
Hetuesit besojnë se lojtarët e Juventusit nuk hoqën dorë nga pagat, por pranuan vetëm shtyrjen e pagesave. Disa nga marrëveshjet me futbollistët janë depozituar në Lega Calcio, por të tjerat dyshohet se kanë qenë marrëveshje private të mbajtura të fshehura nga organet kompetente.
Disa nga ato marrëveshje private u gjetën në e-mailet e klubit dhe do të merrnin pagën edhe në rast të një transferimi të ardhshëm. Hetuesit nxjerrin në pah zakonin e mbajtjes së disa prej këtyre dokumenteve konfidenciale jashtë selisë së klubit, duke i shkatërruar ato pasi të përmbusheshin marrëveshjet.
Midis tyre, mund të ketë një marrëveshje private me Ronaldon, i përmendur në një përgjim telefonik mes drejtorëve të klubit, por që hetuesit nuk e kanë gjetur. /Telegrafi/
Promo
Reklamo këtuLufta Prigozhin - Putin
Më shumëTrajneri i Rumanisë tregohet një profesionist i vërtetë kur flet për lojën e Kosovës
Kapiteni Amir Rrrahmani merr përgjegjësinë për humbjen nga Rumania
Gjithçka që ndodhi para, gjatë dhe pas ndeshjes: Kosovë 0-3 Rumani
Start dëshpërues i Kosovës në Ligën e Kombeve – mposhtet nga Rumania në ‘Fadil Vokrri’
Notat e lojtarëve: Kosova 0-3 Rumania
Italia nëpërkëmbë Francën, fiton edhe Belgjika
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Santiana Maloku dhe Lirimi i japin fund lidhjes së tyre?
Persona të maskuar shihen në pjesën serbe të pikëkalimit kufitar në Bërnjak
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
Trajneri i Rumanisë tregohet një profesionist i vërtetë kur flet për lojën e Kosovës
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë