LAJMI I FUNDIT:

Haxhi Shala nga Nisma Socialdemokrate kalon në AAK 

Haxhi Shala nga Nisma Socialdemokrate kalon në AAK 

Deputeti Haxhi Shala që deri tani ishte në radhët e Nismë Socialdemokrate ka kaluar në Aleancën për Ardhmërinë.

Kështu bëri të kryetari i Aleancës për Ardhmërinë e Kosovës, Ramush Haradinaj në një postim në rrjetin social Facebook.

“Sot pata nderin që me z. Haxhi Shalën, deputet në Kuvendin e Kosovës, të vendosim të rrugëtojmë së bashku në Aleancën për Ardhmërinë e Kosovës. Vendosëm që bashkërisht t’i shërbejmë interesave të vendit, në këto kohë të ndjeshme dhe në të gjitha etapat e radhës. Jam mirënjohës për deputetin Shala, tash kolegë në Aleancë, për angazhimin e tij në proceset e deritashme të rëndësishme për vendin tonë, si dhe për vendimin që së bashku me bashkëpunëtorët e tjerë të vazhdojnë rrugëtimin politik në AAK”, shkruan Haradinaj.

Ndryshe, para votimit të Qeverisë Hoti, presidenti Hashim Thaçi dhe kryetari i AAK-së, Ramush Haradinaj i kishin shkuar në shtëpi deputetit Shala për ta bindur për të votuar pro Qeverisë Hoti. /Telegrafi/