Hasani: Qeveria po paguan ekspertë për tryezën e 3 gushtit (Video)

Qëllimi për mbajtjen e një tryeze shkencore për çështjen e demarkacionit është i mirë, për t’i bindur të gjithë pjesëmarrësit në tryezë dhe qytetarët, se mënyra dhe forma të cilën e ka përzgjedhur qeveria për demarkim të kufirit me Malin e Zi është e gabuar dhe gjithsesi se duhet të anulohet. Kështu mendon anëtari i kryesisë së Nisma për Kosovën, Bajram Hasani.

Ai në emisionin “Kontakt” në Tribuna Channel ka thënë se ditëve të fundit po shfaqen disa ekspertë të cilët po deklarojnë se marrëveshja është në rregull, por ai konsideron se ata ekspertë janë të porositur nga pushteti.

“Deputeti i LDK-së, Shpejtim Bulliqi ka qëllim të mirë për të organizuar tryezën, por pasi që është marr nën patronatin e Kuvendit dhe të Qeverisë, tryeza mund të devijojë këtë qëllim të mirë”, ka thënë Hasani.

Deputetët e NISMA-s, sipas tij, janë të lirë të marrin pjesë në këtë tryezë, ndonëse në parti nuk është diskutuar ende.

“Partitë në pushtet me çdo kusht po tentojnë ta ratifikojnë marrëveshjen, duke e lidhur atë me liberalizim të vizave dhe transformimin e FSK-së në ushtri dhe kështu ata po luajnë me ndjenja të qytetarëve. Ne kemi shumë qytetarë të cilët na thonë se mos lëshoni pe për faljen e tokës, por ka edhe të tjerë të cilët na thonë se nuk janë shumë 8 mijë hektar për ta fituar liberalizimin”, ka thënë Hasani.

Ai në Kontakt flet edhe për mundësinë e humbjes së mandatit të deputetëve të Nismës, mundësinë e mbajtjes së protestave dhe mënyrën se si do të kundërshtohet marrëveshja në Kuvend./Tribuna/