Odiseada kosovare e një organizate terroriste, të quajtur “Harausham” nga prokuroria, për ekzistencën e së cilës ende nuk ka prova, do të vazhdojë në Gjykatën e Apelit këtë muaj.
Arben Livoreka dhe Nexhat Behluli u dënuan në janar të këtij viti nga Gjykata Themelore në Prishtinë me nga 3 vjet e 6 muaj burg secili, pasi akuzoheshin se kishin qenë pjesë e një grupi terrorist në Siri, të quajtur “Harausham”.
Livoreka dhe Behluli ishin arrestuar në shtator 2014, nën dyshimin se në periudhën nëntor 2013 – korrik 2014 i ishin bashkuar një grupi militant që kontrollohej nga organizata terroriste Al-Nusra në Siri.
Behluli dhe Livoreka në shqyrtimin fillestar të mbajtur në Gjykatën e Prishtinës, kishin pranuar fajësinë në shqyrtimin e parë dhe ishin dënuar.
Afër 4 muaj pasi Livoreka dhe Behluli ishin dënuar, një hulumtim i BIRN, zbuloi që që “Harausham”, grupi për të cilin dy të dyshuarit supozohet se ishin anëtarë, mund të ekzistojë vetëm në aktakuzën e prokurorisë dhe në shkresat e kësaj lënde.
Aktakuza e prokurorisë, të cilën BIRN e ka parë, i referohet organizatës “Harausham” si një grup luftues që është nën kontrollin e Al Nusra, ndërsa në vazhdim shkruan se të pandehurit vendosen të largohen nga kjo organizatë dhe u kthyen në Kosovë, pasi ISIS kërkoi të merrte komandën e tyre.
Megjithëse Livoreka dhe Behluli e pranuan fajësinë dhe u dënuan, “Harausham” nuk shfaqet në kërkimet e detajuara të listave zyrtare të grupeve që luftojnë në Siri dhe Irak.
Madje, një prej të dyshuarve, Nexhat Behluli, i tha BIRN se nuk e ka idenë se nga e gjeti prokuroria këtë organizatë, duke pretenduar se dëshmia e tij në polici ishte manipuluar dhe se ishte përballur në gjykatë me diçka krejt tjetër.
Pikërisht, ekzistenca e “Harausham”, dhe elemente të tjera të aktgjykimit të GJykatës Themelore të Prishtinës, do të shqyrtohen nga Gjykata e Apelit e cila me 10 qershor ka caktuar mbajtjen e kësaj seanca para kolegjit të Gjykatës së Apelit.
Hedije Ademi, avokate e Nexhat Behlulit thotë se në këtë shqyrtim, do të përdorë edhe hulumtimin e BIRN, që flet për mos-ekzistencën e këti grupi.
Lidhur me “Harausham”, BIRN i ishte drejtuar me pyetje edhe Prokurorisë së Shtetit dhe Prokurorisë Speciale, por nuk kishte marrë asnjë përgjigje që provonte ekzistencën e këtij grupi.
Pyetje lidhur me “Harausham”, kishte edhe ndaj kryeprokurorit, Aleksander Lumnezi të cilin pyetja për më tepër duke se e zuri në befasi.
“Këtij rasti s’kam çka me i thënë – u përgjigj Lumezi – me rëndësi është që gjykata paska pru aktgjykim dënues”.
Lumezi pranoi se ndoshta “ka qenë një gabim, por ai sigurisht që është përmirësuar gjatë shqyrtimit gjyqësor meqë kryetari i trupit gjyqësor ka marrë aktgjykim dënues”.
Megjithatë, BIRN ka vërtetuar se asnjë përmirësim nuk i është bërë rastit, duke qenë se në aktgjykim shkruhet se të dyshuarit janë gjetur fajtorë pikërisht për pjesëmarrjen në këtë organizatë.
Aktgjykimi nuk përmban prova të administruara për rastin por i referohet gjerësisht aktakuzës dhe pranimit të fajësisë nga dy të akuzuarit.
Ndërsa prokuroria ka vazhduar të këmbëngulë për ekzistencën e “Hrausham”, pavarësisht faktit se nuk kanë qenë në gjendje të paraqesin qoftë edhe një provë të vetme që vërteton ekzistencën e këtij grupi.
Mbetet për t’u parë nëse prokuroria do të vazhdojë të këmbëngulë për ekzistencën e kësaj organizate edhe në gjykimin në apel dhe mbi të gjitha, nëse do të jetë në gjendje të paraqesë çfarëdo prove.
Promo
Reklamo këtuLufta Prigozhin - Putin
Më shumëQUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Bislimi e cilëson të dështuar takimin për dinarin në Bruksel
Nënsekretarja amerikane në Beograd, thekson rëndësinë e përparimit drejt normalizimit të marrëdhënieve Kosovë – Serbi
PDK i hap rrugë kalimit të marrëveshjeve ndërkombëtare, zotohet se do t’i votojë në Kuvend
Aksident me vdekje në Rrugën e Kombit, arrestohet 27-vjeçari nga Prishtina
Ministria e Jashtme e Shqipërisë thërret ambasadorin serb, kërkohen sqarime për deklaratat e Vulinit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3