Hapja e Arkivave të Serbisë do ta përshpejtonte gjetjen e të zhdukurve shqiptarë gjatë viteve 1998-1999. Kështu kanë thënë nga Fondi për të Drejtën Humanitare në Serbi.
Ndonëse një pjesë e arkivave të ushtrisë dhe policisë iu dorëzua Tribunalit të Hagës, sot arkivi nuk është publik, me pretekstin e mbrojtjes së sigurisë kombëtare, thonë në Fondin për të Drejtën Humanitare. Përfaqësuesja e këtij Fondi thotë se me hapjen e arkivave do të merreshin të dhëna për krimet dhe vendndodhjen e varrezave masive.
“Një pjesë e arkivave dhe dokumenteve që kanë të bëjnë me urdhrat, raportet e rregullta luftarake, si dhe raportet për rehabilitimin e terrenit, ku ishin edhe të dhënat se ku janë varrosur trupat e njerëzve te vrare, i janë dhënë Tribunalit të Hagës. Në bazë të atij arkivi në dispozicion publik, Fondi ka kryer hulumtime dhe ka gjetur të dhëna të caktuara që kanë të bëjnë me varrezën masive në Rudnicë dhe se ishte Zona e Përgjegjësisë së Brigadës 37, komandanti i së cilës ishte Ljubisha Dikoviq.
Mirëpo tani, arkiva nuk është e hapur”, tha Ivana Zhaniq, nga Fondi për të Drejtën Humanitare.
Kryeministri i Kosovës, Albin Kurti, ka thënë se Serbia duhet t`i hapë arkivat për të zbuluar të vërtetën për të pagjeturit. Përfaqësues të autoriteteve serbe thonë se palës kosovare, përmes Kryqit të Kuq, i janë dorëzuar më shumë se dy mijë e katërqind dokumente të ndryshme dhe se në bazë të atyre informatave janë gjetur të gjithë trupat deri më tani, por se pala kosovare nuk i ka dorëzuar asgjë Serbisë. Pikërisht për këtë, juristët thonë se zgjidhja nuk është ligjore por politike.
“Ekziston një procedurë e ndryshme për atë se kush mund të ketë qasje në dokumentet nga arkivi, kush mund të miratojë zbulimin e dokumenteve të tilla. Unë besoj se dokumente të tilla nuk janë sekret shtetëror dhe në këtë moment nuk është problem procedural, sepse këto çështje janë të rregulluara me ligj, por këtu është problem i vullnetit politik. Të dyja palët nuk janë të gatshme të zbulojnë në këtë moment gjëra që unë jam i sigurt se ekzistojnë, por janë shënuar në një mënyrë tjetër e jo si sekret shtetëror”, tha Ahmed Dellimegjac, Avokat.
Besohet se me hapjen e arkivave mund të merren të dhëna që do të përshpejtonin procesin e zbardhjes së fatit të rreth 1600 personave të zhdukur, çështje që u shënua si urgjente në marrëveshjen e arritur së fundmi. /rtk/
Lufta Prigozhin - Putin
Më shumëProkuroria Speciale e fton në intervistë zëvendësministrin e Mjedisit, Hysen Durmishin
Arrestohet i riu nga Peja, dyshohet se abuzoi seksualisht me një fëmijë - videon e publikoi në "TikTok"
Nisin hetimet për personin nga Klina që dyshohet se kreu marrëdhënie seksuale me familjaren e tij
Haradinaj-Stublla: As NATO e BE nuk do të ishin fitore për Kosovën, nëse çmimi është defunksionalizimi i saj i brendshëm përmes Asociacionit
Flet e dhunuara gjatë lųftës në Kosovë: Nuk kam familje dhe askush nga të afërmit nuk di për rastin tim
Policia e Kosovës sqaron se pse vendosi kamera në katër komunat veriore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri