Halimi: Kemi një tjetër finale, duhet ta fitojmë për t’i dhuruar një tjetër gëzim tifozëve

Besar Halimi ka shijuar trofeun e parë në Danimarkë me skuadrën e tij Brondby.

Në mesjavë reprezentuesi i Kosovës ka qenë titullar në finalen e Kupës së Danimarkës, ku Brondby ka fituar 3-1 ndaj Silkeborg.

Por skuadra nga kryeqyteti danez është në garë për ta fituar edhe titullin e kampionit.

Tri xhiro para fundit, Brondby është tri pikë larg Midtjylland, ku sonte do të përballen në ndeshje direkt mes vete.

“Ishte e këndshme për ne që ta fitojmë Kupën e Danimarkës. Kemi festuar pak por menjëherë kemi filluar përgatitjen për ndeshjen e radhës”, ka thënë Halimi.

Ai e cilëson ndeshjen ndaj Midtjyllandit si një tjetër finale.

“Për ne është një tjetër finale. Duam ta fitojmë këtë takim për t’i dhuruar tifozëve një tjetër gëzim”, u shpreh Halimi.

Në rast fitoreje të Brondbyt atëherë klubi verdh e kaltër do të shpallej kampione e shtetit pasi dy xhiro para fundit do të ishin plus gjashtë pikë para Midyjyllandit.

Në tri duelet e para këtë edicion mes dy skuadrave, Brondby ka marrë po aq fitore. /Telegrafi/