Haaland po fiton bonuse marramendëse te Man City falë shënimit të shumë golave, bëhet lojtari më i paguar në Ligën Premier

Sulmuesi i Manchester Cityt, Erling Haaland thuhet se është duke fituar afër 900 mijë funtesh apo diçka më shumë se 1 milion euro në javë në klub.

Sipas mediumit Daily Mail, 22-vjeçari norvegjez ka një pagë bazë që është një nga më të lartat në skuadrën e Cityt.

Megjithatë, Haaland është gjithashtu i vendosur të fitojë një “seri bonusesh të konsiderueshme, pothuajse të garantuara” që do të rrisin pagën e tij javore mbi 850 mijë funtesh apo rreth 1 milion funte.

EXCLUSIVE: Erling Haaland is being paid close to £900,000-a-week at Manchester City. Prolific Norwegian is on a basic salary in line with club's top earners but 'almost guaranteed' bonuses make him by far PL's top earner. Story: https://t.co/UP82N7QC6h @mailplus #MCFC

— Mike Keegan (@MikeKeegan_DM) October 6, 2022

Sipas raportit, sulmuesi ‘vrasës’ pritet të fitojë të paktën 45 milionë funte (51.28 milionë euro) te City këtë sezon, që është e barabartë me 865 mijë funte apo rreth 985 mijë euro në javë.

Një pjesë e arsyes që Haaland ka një kontratë kaq të madhe është për faktin se ai u transferua nga Borussia Dortmund përmes një klauzole lirimi.

Erling Haaland is earning close to £900,000 per week at Manchester City 🤑 pic.twitter.com/h0dmuWZqZe

— SPORTbible (@sportbible) October 6, 2022

City duhej të paguante një tarifë relativisht të ulët për yllin norvegjez, ndërsa klubet e tjera po qarkullonin gjithashtu, gjë që do të thoshte se ai mund të kërkonte një bonuse të mëdha të pagës.

Haaland ka shënuar 19 gola në 12 ndeshje deri më tani për Cityn në të gjitha garat, duke u treguar i jashtëzakonshëm. /Telegrafi/