GUVERNATORI I TEKSASIT

Poezi nga: Neeli Cherkovski
Përktheu: Fadil Bajraj

e pashë guvernatorin e Teksasit duke folur
mbi të shtënat e fundit
ku mbetën të vrarë 14 fëmijë dhe një mësimdhënës
guvernatori shprehu keqardhje
në emër të tij dhe gruas së tij
ai nuk beson se ndonjë gjë është e shenjtë
guvernatori i Teksasit beson dhe u beson revoleve
dhe pushkëve automatike
ai është bash pidh s’ame
me mendje të një dinosauri
duke kërkuar ushqim në Kaçubë
guvernatori ka fytyrë
që duket si mish i samtë
ai nuk beson se ekziston ndonjë gjë e shenjtë
ai beson në të drejtën për vetëmbrojtje
kundër të gjitha gjasave
ai beson në armatimin e avancuar
për të krijuar një fushë loje të barabartë
ai nuk beson në pafajësi
atij nuk ia ndien për jetën e fëmijëve
ai është i projektuar
për të gjunjëzuar popullin amerikan
në nivelin e halabakëve
në Perëndimin e Egër
nën trëndafilin e verdhë të Teksasit
ai beson në një grusht të fortë
dhe një çekiç të rëndë
ai vë buqeta
në altarin e prodhuesve të armëve
për të asgjë nuk është as e shenjtë dhe as e shenjtëruar
ai është një burrë i madh
me shpirt djallëzor
ai ta drejton armën
bash në zemër