Dy kandidatët për president të SHBA-ve, Donald Trump që aktualisht ushtron këtë pozitë dhe Joseph Biden, ish-zëvendëspresident, kanë marrë pjesë në debatin e parë nga tri sa planifikohen të mbahen para zgjedhjeve presidenciale të nëntorit.
Debati është zhvilluar me shumë ndërprerje të fjalimeve, grindje dhe fyerje, por edhe pse ishte i gjatë dhe plotë kundërshti, theksojmë gjashtë prej momenteve “kyçe”, transmeton Telegrafi.
Trump tenton ta fusë në grindje Bidenin
Shumë persona kanë komentuar se si strategjia e Trumpit ishte ajo, ka dashur të futë në grindje Bidenin por edhe moderatorin Chris Wallace për të fituar pikë. Siç raporton Washington Post, kjo tregon se Trumpi ka nevojë më shumë për një rikthim apo ndryshim të situatës.
Megjithatë Biden i është përmbajtur mesazheve të tij, nuk është përfshirë shumë në grindje dhe i është përgjigjur shkurt dhe qartë Trumpit.
Por, në një moment humbi qetësinë duke i thënë Trumpit “ta mbyllë gojën” derisa në një moment tjetër e ka quajtur palaço.
Përgjigjet e Trumpit për coronavirusin
Ajo çfarë ka tërhequr më shumë vëmendjen është përgjigja e Trumpit për coronavirusin, që madje edhe përkrahësit e tij thonë se nuk ishte e mirë.
Trumpi nuk ka ndërruar qëndrim edhe gjatë debatit, por edhe nuk ka gjetur përgjigje të reja. Ai ka folur për skepticizmin lidhur me bartjen e maskave, ku më pas tha se nuk ka asgjë kundër tyre dhe theksoi se e bartë kur ai mendon se është e nevojshme.
Biden megjithatë tha se Trump po mban tubime ku njerëzit rrallë herë bartin maska.
“Nuk brengoset ai për ju. Nuk brengoset as për të njerëzit atje. Ka qenë i papërgjegjshëm me distancën sociale dhe bartjen e maskës, duke inkurajuar të tjerët që të mos i bartin”, ka shtuar ai.
Moderatori
Siç raporton Washington Times, moderatori Wallace nuk e ka udhëhequr mirë debatin. Megjithatë të gjithë e kanë pasur të qartë se çdo moderator do ta kishte të vështirë.
Biden distancohet nga e majta
Një nga argumentet kryesore të Trumpit është se Biden është shumë i afërt me të majtën ekstreme. Kur Trump filloi të flet, Biden tha se është anëtar i Demokratëve.
E kur Trump tentoi ta ndërlidh me Bernie Sandersin, Biden i është përgjigjur se si e ka mundur Sandersin.
Sulmi i Trumpit lidhur me djalin e Bidenit
Trump ka tentuar ta sulmojë djalin e Bidenit, Hunterin, kur Biden foli për veteranët e ushtrisë amerikane. Biden përmendi shërbimin ushtarak të birit, duke theksuar se ai nuk është humbës, duke e detyruar Trumpin ta ndërpres për ta pyetur nëse po flet për Hunterin.
“Po flasë për birin tim Beau Biden”, ka thënë Biden duke iu referuar të birit që ka humbur jetën nga kanceri, shkruan Washington Post.
Përveç kësaj, Trump ka sulmuar edhe Hunterin për të cilin ka thënë se është përjashtuar nga ushtria për shkak të varësisë nga kokaina. Por, Biden ka mohuar kategorikisht këto pretendime, duke theksuar se është krenar me të.
Trump i përgjigjet pyetjes për taksat
Trump i është përgjijgjur pyetjes për taksat duke iu referuar artikullit të New York Times. Megjithatë nuk ka dashur të flet për numra konkret duke theksuar se ka paguar miliona dollarë tatime.
E Biden i bënte thirrje që të publikojë të dhënat për taksat, kurse Trump vazhdimisht e injoronte. /Telegrafi/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
SHBA-ja përgjon aeroplanët rusë
Dhjetë aeroportet më të pastra në botë - vetëm një është në Evropë
Vuçiq humb kontrollin gjatë konferencës, analisten amerikane Ivana Stradner e quan të çmendur
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak