Google e bën të lehtë për përdoruesit e PC dhe Mac përmirësimin në Chrome OS

Për përdoruesit me PC ose Mac, Google e ka bërë më të lehtë ekzekutimin e Chrome OS.

Kompania ka lëshuar Chrome OS Flex, dhe është një version i modifikuar i Chrome OS, të cilin përdoruesit mund ta shkarkojnë falas, ta ruajnë në një disk USB dhe të nisin kompjuterin e tyre prej tij.

Kjo do të thotë që përdoruesit do të jenë në gjendje të provojnë Chrome OS në kompjuterët ekzistues Windows ose Mac dhe nuk do të kenë nevojë për një Chromebook të veçantë për ta bërë këtë.

Në shumicën e rasteve, Chrome OS Flex ofron të njëjtat veçori si Chrome OS, që do të thotë se përdoruesit do të jenë në gjendje të përdorin Google Assistant, Nearby Sharing dhe opsione të tjera.

Ka disa kërkesa kur bëhet fjalë për harduerin dhe markën e kompjuterit, dhe një listë e përputhshme është e disponueshme këtu.

Chrome OS Flex është aktualisht i disponueshëm në qasje të hershme, që do të thotë se është ende në beta. Tani për tani, është menduar kryesisht për përdorim në kompani dhe shkolla. /Telegrafi/