Gjyqi i Johnny Depp kundër Amber Heard: Çfarë dihet deri më tani?

Gjyqi i profilit të lartë që përfshin aktorët Johnny Depp, 58-vjeçar dhe ish-gruan e tij, Amber Heard, 36-vjeçare, filloi më 12 prill në Farifax, Virginia.

Gjyqi sillet rreth një padie për shpifje që Depp e ka ngritur kundër Heard në vitin 2019 në lidhje me një shkrim, për të cilin ajo e akuzoi për abuzim në familje.

Ylli i Hollywoodit theksoi se ky artikull e ka dëmtuar në masë të madhe karrierën e tij.

Gjyqi, i cili do të zgjasë gjashtë javë, tashmë ka krijuar tituj për gjithçka, nga mesazhet e ‘dhunshme’ me tekst të dërguara nga Depp e deri te regjistrimet ‘audio’ të argumenteve të tyre.

Kjo është padia e dytë që përfshin akuza për abuzime të lidhura me marrëdhënien e Depp dhe Heard, pas një gjyqi të mbajtur në Mbretërinë e Bashkuar në 2020.

Derisa gjyqi ka hyrë në javën e tretë, çfarë dihet më tani…

Përse Johnny Depp është duke e paditur Amber Heard?

Aktori ka ngritur një padi prej 50 milionë dollarësh (47 milionë euro) për shpifje kundër Heard në mars të vitit 2019, pasi ajo publikoi një shkrim në Washington Post dhjetorin e kaluar.

Në artikull, Heard diskutoi trajtimin e grave në rastet e sulmeve seksuale dhe iu referua vetes si një “figurë publike që përfaqëson abuzimin në familje”, por nuk e ka përmendur Depp.

Johnny u hoq nga roli i tij në “Pirates of the Caribbean” vetëm disa ditë pas publikimit të artikullit, duke pretenduar se shkrimi në fjalë i shkaktoi dëm të madh në karrierën e tij.

Çfarë tha Heard në shkrimin e Washington Post?

Në dhjetor të vitit 2018, Heard publikoi një shkrim në Washington Post me titull “I spoke up against sexual violence – and faced our culture’s wrath. That has to change”.

Në artikull, ajo diskutoi për reagimet që kishte marrë pasi “u bë një figurë publike që përfaqësonte abuzimin në familje”, e më pas duke dhënë mbështetje për viktimat e dhunës në familje.

Lexo po ashtu Në gjyqin kundër ish-bashkëshortes Amber Heard - publikohen disa fotografi të tmerrshme të Johnny Depp në kohën kur ishte përdorues i substancave narkotike

Megjithëse Heard nuk e përmendi Deppin me emër, afati kohor që ajo përshkroi në artikull përputhej me afatin kohor të divorcit të çiftit dy vjet më parë, në 2016.

Çfarë duhet të dini për padinë e “The Sun”?

Disa nga akuzat e paraqitura në gjyq janë dëgjuar më parë, gjatë një gjyqi 16-ditor në Mbretërinë e Bashkuar në verën e vitit 2020, pasi Depp e paditi “The Sun” për shpifje për një titull që e quajti atë “abuzues”.

Heard dëshmoi në gjyq, duke ngritur 14 akuza për abuzim ndaj Depp. Ky i fundit i mohoi të gjitha, por një gjykatës vendosi se 12 ishin “provuar në standardin civil dhe se titulli i “The Sun” ishte “thelbësisht i vërtetë”.

Romanca e Johnny Depp dhe Amber Heard

Depp u takua me Heard në vitin 2009, në xhirimet e “The Rum Diary”. Gjatë dëshmisë së tij në Fairfax, Depp përshkroi momentin e parë të lidhjes që ndjeu me Heard, teksa të dy filmuan një skenë që kërkonte që personazhet e tyre të putheshin në dush.

“Ai moment, ishte, ishte, ndihej si diçka, ndihej si diçka që nuk duhej ta ndjeja”, tha Depp, duke shtuar se ata të dy ishin në lidhje në atë kohë. “Unë mendoj se kishte diçka në puthjen në dush që ishte e vërtetë”.

Lexo po ashtu Johnny Depp thotë se është mbyllur disa herë në tualet për t’i shpëtuar dhunës nga Amber Heard

Dyshja u takuan përsëri dy vjet më vonë për të promovuar filmin, por filluan të takoheshin vetëm pasi Depp u nda me partneren e tij, Vanessa Paradis, me të cilën ka dy fëmijë.

Ish-çifti u martuan në vitin 2015. Heard paraqiti kërkesën për divorc 15 muaj më vonë, duke marrë një urdhër ndalimi të përkohshëm kundër Depp, për të cilin ajo pretendoi se ishte abuzues ndaj saj. Depp i mohoi akuzat, me ekipin e tij ligjor që akuzoi Heardin për “abuzim të pretenduar” për “të siguruar një zgjidhje të parakohshme financiare”.

Pasi Heard anuloi një kërkesë për 50,000 dollarë (47,000 euro) në muaj si mbështetje bashkëshortore, ata u pajtuan jashtë gjykatës, me Heard që mori 7 milionë dollarë (6 milionë euro).

Heard ka thënë se i dhuroi paratë për bamirësi.

Çfarë tha Johnny Depp në dëshminë e tij?

Gjatë ditëve të dëshmive, që filluan më 19 prill, Johnny ka folur më në detaje për fëmijërinë e tij, ku tha se ka qenë i mbushur me abuzim verbal dhe fizik.

Të dy Heard dhe Depp kanë akuzuar njëri-tjetrin për dhunë fizike dhe të dy kanë mohuar pretendimet e tjetrit.

Lexo po ashtu Amber Heard ka kryer marrëdhënie treshe me Elon Musk dhe Cara Delevingne në shtëpinë e Johnny Depp?

Në dëshminë e tij, producenti amerikan tha: “Unë nuk kam arritur kurrë në pikën që të godas Heard në asnjë mënyrë dhe nuk kam goditur ndonjëherë ndonjë grua në jetën time”.

Ai pretendoi se Heard ishte e dhunshme ndaj tij, duke treguar një rast në të cilin preu gishtin pasi aktorja e gjuajti me një shishe vodka.

Pasi u pyet nga ekipi i Heard, Depp gjithashtu sqaroi mesazhet që ia dërgonte miqve duke detajuar përdorimin e tij të drogës dhe alkoolit dhe duke diskutuar aktet e mundshme të dhunës kundër Heardit.

“Ndonjëherë dhimbja duhet të trajtohet me humor – dhe ndonjëherë me humor të errët, shumë të errët”, u shpreh ai.

Aktori diskutoi gjithashtu se si u largua nga filmi i gjashtë i “Pirates of the Caribbean” pas publikimit të shkrimit të Amber.

https://www.youtube.com/watch?v=sP4O66VWR_I&ab_channel=LiveNOWfromFOX

Kush tjetër ka dëshmuar në gjyqin e tyre dhe kush pritet?

Dëshmitarja e parë ishte Christi Dembrowski, motra më e madhe dhe menaxherja e Depp, e cila foli për abuzimin me të cilin ishin përballur kur ishin fëmijë.

“E kuptova se ajo që ndjeva si një model i përsëritur që nga fëmijëria e tij”, tha Dembrowski për marrëdhënien e tij me Heard.

Gjykata dëgjoi gjithashtu gjëra të reja nga Isaac Baruch, miku i fëmijërisë së Deppit, i cili tha se Johnny e lejoi atë të jetonte në një apartament të tij në Los Angeles, ndërsa ishte i fokusuar në punë.

Ai tha se, megjithëse Depp dhe Heard jetonin afër, ai kurrë nuk ka qenë prezent në ndonjë moment midis tyre, duke i quajtur pretendimet e Heard një “gënjeshtër me qëllim të keq”.

Ekipi ligjor i Depp ka thirrur gjithashtu një mjek dhe infermiere që e trajtuan atë për abuzim me substancat dhe pretendojnë se kanë qenë dëshmitarë të debateve mes çiftit, por jo abuzimit fizik.

Psikologia Shannon Curry dëshmoi se ajo ishte punësuar nga ekipi ligjor i Depp për të kryer një vlerësim psikologjik të Heard vitin e kaluar, duke rezultuar në diagnozat e çrregullimit të personalitetit që lidhen me dhunën.

Avokati i Heard në anën tjetër solli dëshmi nga mjekë të tjerë që besonin se ishte viktimë e dhunës në familje.

Lexo po ashtu “Pinte drogë në ditën e dasmës”, Johnny Depp zbulon arsyen se përse vajza e tij nuk ishte e pranishme në martesën me Amber Heard

Tyler Hadden, një nga oficerët e LAPD-së që iu përgjigj një telefonate për dhunë në familje në apartamentin e çiftit në maj 2016, tha se Heard nuk tregoi asnjë shenjë dhune në atë kohë – gjashtë ditë para se të shfaqej në një gjykatë në Los Angeles.

“Vetëm sepse shoh një femër me faqe dhe sy rozë, nuk do të thotë se diçka ka ndodhur”, tha ai në një deklaratë të mërkurën.

Dy oficerë të tjerë dhanë dëshmi të ngjashme.

Lexo po ashtu Në gjyqin kundër ish-bashkëshortes, Johnny Depp thotë se nuk ka goditur asnjë grua në jetën e tij

Avokati i Heard pretendoi se ajo mund t’i kishte mbuluar plagët e saj me grim në një përpjekje për të mbrojtur Depp.

Dëshmitarë të tjerë të mundshëm në listën e Heard përfshijnë Elon Musk, me të cilin Amber thuhet se ishte në lidhje, dhe po ashtu ish-i dashuri i saj, James Franco. /Telegrafi/