Gjuha diskriminuese e Milenkos nuk dëgjohet nga Komisioni kundër diskriminimit

Komisioni për mbrojtje nga diskriminimi refuzon të njeh gjuhën diskriminuese të Milenko Nedellkovskit, ka reaguar Rrjeti për mbrojtje nga diskriminimi ndaj mendimit të Komisionit për mbrojtje nga diskriminimi pas ankesës së Agjencisë për Shërbime Audio dhe Audiovizuele e ngritur kundër Nedellkovskit, për diskriminimin lidhur me orientimet seksuale në emisionin e tij ‘Milenko Nedellkovski Show’ në TV Kanal 5, përcjell Telegrafi Maqedoni.

Në qëndrimin e Komisionit thuhet se diskriminuesi duhet të ketë ndonjë pozicion mbikëqyrës që të mund të diskriminojë ndonjë grup mbikëqyrës.

Me një vendim të këtillë stafi i ri i Komisionit tregon linjën e qartës për mosrespektimin e vendimeve të përbërjes së stafit paraprak, e cila në dy vendime konfirmoi gjuhë diskriminuese në lidhje me orientimin seksual, e cila në vete ka bartur edhe elemente të gjuhës së urrejtjes.

Nga atje duke i bëjnë thirrje Komisionit për Mbrojtjen nga Diskriminimi “të fillojë me drejtësi dhe në vazhdimësi me zbatimin e Ligjit për mbrojtjen dhe parandalimin e diskriminimit duke vepruar sipas ankesave të paraqitura, në përputhje me dispozitat ligjore dhe jo të interpretimeve të tyre subjektive”. /Telegrafi/