Memli Krasniqi është vetmi deri tani ka zyrtarizuar kandidaturën për të parin e PDK-së, por një gjë të tillë pritet ta bëjë edhe Enver Hoxhaj në ditët në vazhdim.

Sekretari elektoral i Partisë Demokratike të Kosovës (PDK), Betim Gjoshi, tha se nuk janë vetëm këta dy emra, pasi PDK-ja ka disa figura meritore për këtë post.

“Enver Hoxhaj pritet të zyrtarizojë në ditët në vazhdim kandidaturën e tij. Mirëpo do të jenë edhe disa kandidatë tjerë, duke qenë se në PDK ka disa figura tjera të ngritura”, tha Gjoshi për Kanal 10.

Gjoshi tutje shtoi se Konventa e 10-të e PDK-së do të mbahet të shtunën me 3 korrik në ora 9:30.

Reklama

Kujtojmë, Partia Demokratike e Kosovës, ka qenë prej fillimit të nëntorit të vitit të kaluar me ushtrues detyre të kryetarit, Enver Hoxhajn, pas dhënies së dorëheqjes të ish-kryetarit Kadri Veseli, pas konfirmimit të aktakuzës ndaj këtij të fundit nga Gjykata Speciale.

Reklama

Enver Hoxhaj ishte edhe kandidat për kryeministër nga PDK-ja në zgjedhjet e 14 shkurtit.