Gjorçev: Maqedonia po zhduket dhe po shpërngulet si asnjëherë më parë

Në konferencë për shtyp, Vladrimir Gjorçev nga OBRM-PDUKM tha se “Maqedonia po zhduket dhe po shpërngulet si asnjëherë më parë”.

Sipas Gjorçev, në gjashtë muajt e parë të këtij vitit, Maqedonia shënon rekord sa i përket numrit të vogël të lindjeve, njofton Telegrafi Maqedoni.

“Këtë vit, Qeveria e Zaevit dhe 28 ministrave të tij me politikat e tyre katastrofale demografike, sociale, ekonomike investuese dhe të tjera na bëri të kemi 9.248 fëmijë të lindur. Ky numër është 12 për qind më pak, 1.200 fëmijë më pak të lindur për vetëm një vit/ Kjo është katastrofë për të cilën duhet të ketë përgjegjësi”, tha Gjorçev.

Gjorçev thotë se një ndër arsyet se pse ka më pak lindje gjatë këtij viti është edhe heqja e masës për para shtesë për fëmijën e tretë.

“Ikin të gjithë. Shpërngulen edhe maqedonasit, shqiptarët, turqit, serbët, boshnjakët dhe vllehët. Po shpërngulet e gjithë Maqedonia lindore, e gjithë Maqedonia perëndimore”, tha Gjorçev.

Ai tha se në gjashtë muajt e parë të vitit 2015 kanë lindur 11.444 foshnja ndërsa për katër vite ka 2.200 foshnja të lindura më pak./Telegrafi/