Gjërat që duhet t’i mbani mend nëse jeni të dashuruar me personin që i përket shenjës së Dashit

Personat e shenjës së Dashit në horoskop njihen për pasionin që kanë. Ata janë tejet besnikë te miqtë dhe partnerët e tyre.

Dashi ka personalitet shumë të fuqishëm, ndërkaq nën këtë shenjë futet çdo person i lindur nga periudha 21 mars deri me 20 prill, transmeton Telegrafi.

Deshët janë shumë të pavarur dhe është hap i madh kur vendosin të jenë intim me një person. Pasioni i tyre natyral i shpie ata të kenë pak durim, të kenë luhatje disponimi dhe herë pas here kanë pak temperament.

Personat e kësaj shenje kërkojnë besnikëri dhe respekt
Dashi nuk toleron negativitet të vazhdueshëm apo xhelozi. Nëse nuk shprehni përpjekje të vërtetë, nuk jeni të sinqertë dhe të hapur, Dashi shumë shpejt do t’ju largojë nga jeta e vet.

Dashi nuk heq dorë lehtë!
Dashi ka lindur të jetë lider i vërtetë. Andaj, bëhuni gati që personi i kësaj shenje të bëjë çmos për ta arritur qëllimin që ka.

Dashi bën jetë dinamike
Dashi është gjithmonë në ‘gjueti’ të aventurave apo qëllimeve personale. Nëse nuk u pëlqen rezultati, ata heqin dorë nga projekti dhe vazhdojnë tutje me një tjetër. Me Dashin në lidhje, ju duhet të jeni të gatshëm për ndryshime spontane dhe të mos mësoheni me një stil të njëjtë të jetesës.

Dashi ka shumë vetëbesim dhe entuziazëm
Dyshimet dhe pasiguritë janë koncepte të panjohura për Dashin. Ai mund t’ju mbështet në shumë mënyra nëse e lejon. Nëse i kushtoni vëmendje, ju shumë lehtë mund ta fitoni vetëbesimin dhe forcën e tij. Ndoshta mund t’ju duket arrogant ndonjëherë, por mbani mend se ka vetëm qëllime të mira dhe sens të thellë të respektit.

Dashi ka sens të mahnitshëm të humorit
I gjithë pasioni dhe energjia mbahen në balancim, kryesisht nga humori. Dashi njihet si ofendues me shakatë e veta, andaj mos i merrni personale komentet që ka. /Telegrafi/