Gjendet pas 1500 vjetësh kapitulli i humbur i Biblës

Një kapitull i humbur i Biblës është gjetur më në fund pas 1500 vjetësh.

Kapitulli, i quajtur vargjet sekrete, u gjet në një dorëshkrim të shekullit të III-të brenda Bibliotekës së Vatikanit.

Ai përmban një përkthim të ri të kapitujve 11 deri në 12 nga Ungjilli i Mateut, raporton metro.co.uk.

Shkencëtarët ishin në gjendje të zbulonin tekstin, të shkruar në sirianishten e lashtë, pasi përdorën fotografinë ultravjollcë brenda Ungjillit të Mateut.

Në përkthimin origjinal në greqisht, Mateu, një dishepull i Jezuit, shkroi se “në atë kohë, Jezusi kaloi të shtunën nëpër arat e grurit dhe dishepujt e uritur filluan të mbledhin kallinjtë e grurit dhe t’i hanin”.

Por përkthimi i sapozbuluar thotë se ‘në atë kohë Jezusi kaloi të shtunën nëpër arat e drithit dhe dishepujt e uritur filluan të mbledhin kallinjtë e grurit, t’i fërkojnë me duar dhe t’i hanin”.

Theksojmë se vetëm një pjesë e tekstit të rikuperuar është shfaqur për publikun deri më tani.

Grigory Kessel, i cili bëri zbulimin, tha për dailymail, se “teksti i gjetur i ungjillit në këtë dorëshkrim të ripërdorur përmban të ashtuquajturat përkthime të ungjijve në gjuhën siriane të vjetër. Ky përkthim i vjetër sirianisht shpesh dëshmon tekstin e ungjillit që është i ndryshëm nga teksti standard i ungjillit siç e njohim ne sot”.

Ungjilli i Mateut përbën thelbin e 27 librave të Dhiatës së Re.

Seksioni i Mateut fillon të përshkruajë lindjen e Jezusit dhe përfshin gjithashtu korrespondencën e hershme midis udhëheqësve të Kishës dhe të krishterëve. /Telegrafi/