Gjendet një shishe me narkotikë në një rrugë në Prizren, Policia e konfiskon

Policia e Kosovës ka njoftuar se një shishe me narkotikë është gjetur në një rrugë në Prizren.

Rasti ka ndodhur në rrugën “Tahir Gashi” në Prizren, të hënën në ora 22:25.

“Nga një dëshmitar është raportuar se në tokë ka vërejtur një shishe në të cilën dyshohet të ketë substancë narkotike dhe një kamerë”, thuhet në raport.

Njësiti policor ka konfiskuar shishen plastike brenda me substancë narkotike marihuanë me peshë 23.5 gramë dhe kamerën. /Telegrafi/