Gisele Bundchen ka marrë pjesë në evenimentin gala Luz Alliance për ‘Brazil Foundation’, ku vendosi të pozonte përkrah motrës binjake, Patricia.
Me këtë rast, modelja e njohur ka veshur një fustan të thjeshtë të bardhë me një sup, të cilin e ka shoqëruar me taka.
Ndërsa motra e saj ka veshur një fustan me lule dhe e ka kompletuar dukjen me stoli minimaliste prej floriri.
(Foto: Instagram/_giseledaily_)
“Kjo ishte festa ime e parë gala dhe nuk mund ta kisha bërë pa motrën time Patricia. Ne jemi shumë të afërta, siç e dini, ne jemi binjake. Ne i besojmë njëri-tjetrit dhe gjithmonë duam atë që është më e mira për ne dhe kjo është e paçmuar”, ka deklaruar 42-vjeçarja duke shtuar se e mbështesin njëra tjetrën.
(Foto: Instagram/_giseledaily_)
Gisele, së fundmi, ka theksuar se ka një marrëdhënie të mirë me motrën e saj dhe e konsideron si shoqen më të mirë. Përveç Patricias, e cila punon si menaxhere e saj në Brazil, modelja ka edhe katër motra të tjera: Raquel (48), Graziela (46), Gabrielae (40) dhe Rafaela (34). /Telegrafi/
(Foto: Instagram/_giseledaily_)
