Giroud u bë viktimë e një prej grabitjeve më të rënda në botën e sportit në SHBA

Futbollisti francez Olivier Giroud ishte objektivi i një grabitjeje të madhe që ndodhi në rezidencën e tij në Los Anxhelos. Sipas gazetës amerikane TMZ Sports, shtëpia e lojtarit francez Olivier Giroud u grabit në fillim të këtij muaji.  

Ndërkohë që fituesi i Kupës së Botës 2018 dhe familja e tij nuk ishin të pranishëm, është vjedhur pasuri me vlerë gati 500 mijë euro. 

Më 5 shkurt, hajdutët dyshohet se thyen një dritare për tu futur në shtëpi te ish-sulmuesi i Arsenalit, Chelseat dhe Milanit, tani lojtar i Los Angeles FC.  

Ata vodhën sende me vlerë gjysmë milioni euro, kryesisht bizhuteri, që i përkisnin sulmuesit francez dhe gruas së tij. Mësohet se policia ka nisur hetimet, por ende nuk ka arrestuar asnjë person. 

Ky është një vazhdim i një serie grabitjesh të sportistëve të njohur në të gjithë SHBA-në, për të cilat autoritetet kanë treguar gjithnjë e më shumë kohët e fundit.  

Së fundmi, NBA u dërgoi një paralajmërim të gjithë basketbollistëve se vjedhjet janë shtuar së fundmi. Ndër të tjera, ata hynë në shtëpitë e Bobby Portis dhe Luka Doncic dhe në shtëpitë e yjeve të NFL, Patrick Mahomes dhe Travis Kelce, por grabitja e Giroud është padyshim një nga më të rëndat. 

37-vjeçari u transferua në SHBA verën e kaluar, pasi i dha fund një periudhe trevjeçare me AC Milan dhe nënshkroi një marrëveshje njëvjeçare me Los Angeles FC.  

Olivier Giroud loses $500k in jewellery after a burglary at his LA home 😲 pic.twitter.com/gX9JPSvAch

— Mail Sport (@MailSport) February 18, 2025

Në total, francezi ka luajtur 737 ndeshje zyrtare në karrierën e tij, duke shënuar 288 gola dhe duke asistuar 98. /Telegrafi/