Aktivistja e LDK-së në Gjermani, Donika Gërvalla, ka shkruar për vdekjen e ish-kancelarit gjerman Helmut Kohl.
Ajo në një status në Facebook ka treguar se si Kohl i kishte premtuar NATO-s se do të hynte në luftë për Kosovën.
“Rol vendimtar Kancelari Kohl ka luajtur edhe në çlirimin e Kosovës nga kthetrat e Millosheviçit. Para zgjedhjeve në vjeshtë të vitit 1998, të cilat i humbi (dhe të cilat kancelar bënë Gerhard Schröder), Helmut Kohl në bisedë me SHBA-të dhe NATO-n pati premtuar: Gjermania do të jetë krah partnerëve të saj të NATO-s nëse kjo e fundit hyn në luftë, nëse intervenohet ushtarakisht për t’i shpëtuar qytetarët e Kosovës”, ka shkruar Gërvalla, transmeton Telegrafi.
Postimi i plotë i Gërvallës:
“Faleminderit Helmut Kohl!
Kancelari gjerman Helmut Kohl u nda sot nga jeta në moshën 87-vjeçare. Sot populli gjerman dhe i gjithë spektri i gjerë politik e kujton me mirënjohje të thellë babanë e ribashkimit të Gjermanisë.
Sot Evropa kujton me respekt të thellë arkitektin e Evropës së bashkuar. Mençuria dhe intuita e shëndoshë politike, lojaliteti ndaj partnerëve, këmbëngulja deri në kokëfortësi në synimet e drejta politike, sjellja njerëzore ndaj vartësve dhe bashkëpunëtorëve janë vetëm disa nga tiparet me të cilat përshkruhet ky kolos i historisë moderne evropiane.
Rol vendimtar Kancelari Kohl ka luajtur edhe në çlirimin e Kosovës nga kthetrat e Millosheviçit. Para zgjedhjeve në vjeshtë të vitit 1998, të cilat i humbi (dhe të cilat kancelar bënë Gerhard Schröder), Helmut Kohl në bisedë me SHBA-të dhe NATO-n pati premtuar: Gjermania do të jetë krah partnerëve të saj të NATO-s nëse kjo e fundit hyn në luftë, nëse intervenohet ushtarakisht për t’i shpëtuar qytetarët e Kosovës. Ishte pjesëmarrja e parë e ushtarëve gjermanë në një luftë që nga Lufta e Dytë Botërore, për Kosovën dhe qytetarët e saj.
Qeveria Schröder u gjet para fakteve të kryera, të trashëguara nga Helmut Kohl. Debatet shoqërore që e pasuan këtë vendim janë vetëm një prej dëshmive të shumta se sa i vështirë ka qenë ky hap për Gjermaninë.
Më shumë se 100.000 ushtarë gjermanë kanë shërbyer ndërkohë që nga viti 1999 në Kosovë në kuadër të KFOR-it për të mbrojtur Kosovën nga veprimet e pakontrolluara të Serbisë dhe për të siguruar paqen dhe stabilitetin e brishtë në Ballkan. Kosova sot është e lirë dhe e pavarur. Sa herë vjen 12 qershori jemi edhe më të ndërgjegjshëm që Millosheviçi kapitulloi para trupave të NATO-s, dhe Gjermania ishte pjesë e tyre. Faleminderit Helmut Kohl!“, ka shkruar Gërvalla.
Promo
Reklamo këtuLufta Prigozhin - Putin
Më shumëNjë tjetër fitore për Kosovën në Washington
Dëshmitari thotë se i akuzuari për krime lufte në Vushtrri e kishte goditur me armë në fytyrë
Në Shqipëri zyrtari policor e shantazhon qytetaren: Mi jep 3 mijë euro ose t'i publikoj fotot zhveshur
Mbyti dhe dogji prostitutën shqiptare në një pyll të Francës, prokuroria kërkon 20 vite burg për autorin
Policia shkatërron edhe një laborator tjetër të drogës në Leposaviq
Anëtarësimi në KiE është me “qejf”, thotë Ymeri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?