Aktori francez, Gerard Depardieu, mohoi akuzat për sulm seksual në një gjykatë të Parisit dje, duke thënë se është shumë i vjetër dhe i shëndoshë për të kryer sulmet e supozuara ndaj grave.
Përkatësisht, ai po gjykohet për sulm ndaj dy bashkëpunëtoreve.
Por ai mohoi të kishte prekur 54-vjeçaren dhe 34-vjeçaren në xhirimet e filmit "The Green Shutters" në 2021.
"Unë nuk do të bëj festë me 76 apo 130 kilogramë. Jam mjaft i pakënaqur. Nuk do t'ia prek prapanicën askujt, as në xhirime apo askund tjetër. Pas asaj që kam lexuar për veten time në tre vitet e fundit, nuk ka nevojë të interpretoj”, tha ai gjatë gjyqit.
Më pas ai deklaroi se nuk i kujtohej nëse e kishte prekur skenografen, por shtoi se mund ta ketë kapur nga ijet.
Asistentja e producentit tha se ajo ishte abuzuar tre herë, me Depardieu duke i kapur të pasmet dhe gjoksin.
Gerard Depardieu pranoi se i vinte turp për këto akuza.
Rastësisht, ky gjyq u shty në tetorin e vitit të kaluar, kur avokati i Depardieu tha se ai ishte i sëmurë pasi kishte diabet dhe probleme të rënda në zemër.
Nëse një gjykatë në Paris e shpall fajtor, ai përballet me pesë vjet burg dhe një gjobë prej 75 mijë eurosh. /Telegrafi/
