Gazetari i afërt me Man United kapi momentin tensionues mes Erik ten Hag dhe Harry Maguire

Trajneri i Manchester United, Erik ten Hag mund të ketë vendosur për fatin e Harry Maguire, pasi një moment i tensionuar mes tyre u pa në humbjen dërrmuese të së enjtes ndaj Sevillas.

United u eliminua nga Liga e Evropës pas humbjes 3-0 ndaj skuadrës spanjolle në Andaluzi.

Me barazimin e çerekfinaleve 2-2 pas ndeshjes së parë në Old Trafford, United bëri fillimin më të keq të mundshëm në ndeshjen e dytë.

Lexo po ashtu Sevilla nokauton Manchester Unitedin, fitore bindëse dhe kalim në gjysmëfinale

Një gabim katastrofik nga Maguire, i cili u kap në posedim në skajin e zonës së tij pas një pasimi të tmerrshëm nga David de Gea, i lejoi Youssef En-Nesyrit të kalonte Sevillan në epërsi pas vetëm tetë minutash.

Loic Bade i dha skuadrës së La Ligës epërsinë e dyfishtë nga një goditje nga këndi pak pas pjesës së parë, përpara se një gabim tjetër i madh nga De Gea në fund të pjesës i lejoi En-Nesyrit të shënonte të dytin në ndeshje.

Ishte një humbje jashtëzakonisht e turpshme për United, i cili dukej i humbur pa dyshen e lënduar Lisandro Martinez dhe Raphael Varane në mbrojtjen qendrore dhe nën kapitenin e pezulluar Bruno Fernandes.

Not our night.

Thank you to our fans out in Seville, and to all the Reds around the world.

Your support means everything to us 👏❤️#MUFC || #UEL pic.twitter.com/Lx1uTnJKXO

— Manchester United (@ManUtd) April 20, 2023

Gjithashtu ngre pyetje të mëtejshme mbi të ardhmen e Maguires, i cili ka dhuruar një sezon makthi pasi u la në bankinë nga Ten Hag në fillim të sezonit.

Gazetari i Manchester Evening News, Samuel Luckhurst, vuri re një moment tensionues mes Maguire dhe Ten Hag gjatë pjesës së parë.

Duke reflektuar mbi gabimin e Maguire për golin e parë të Sevillas, Luckhurst shkroi: “Simpatizuesit e Maguire do ta kritikojnë De Gean, por Maguire kërkoi topin kur u rrethua nga lojtarë me fanella të Sevillas. Ata i kishin të gjitha qoshet e mbuluara”.

Lexo po ashtu Notat e lojtarëve, Sevilla 3-0 Man Utd: En Nesyri shkëlqen, De Gea më i dobëti

“Gjatë një pauze në minutën e 28-të, Ten Hag në fakt e thirri Maguiren afër vijës së fushës për t’i thënë ca fjalë”.

Duke folur pas ndeshjes, Ten Hag u përpoq të fshihte zhgënjimet e tij me De Gean dhe Maguiren.

“Është e qartë. Kur bëjmë gabime të tilla, është e vështirë të fitosh një lojë futbolli”, deklaroi ai për BT Sport.

🗣 "We know what to do."

The boss lays out the reaction he wants from his team.#MUFC || #UEL

— Manchester United (@ManUtd) April 21, 2023

“Është një problem dhe ne duhet ta pranojmë atë, por kundër Brighton, ne kemi një mundësi për të punuar në këtë. Ju keni parë atë që kam parë unë. Ne nuk ishim të qetë”.

United do të duhet të rikthehet shpejt pasi ata do të përballen me Brightonin në gjysmëfinalen e tyre të FA Cup në Wembley të dielën. /Telegrafi/