Gates: i kemi ndihmuar Jobsit me Mac-un

Për ndryshim nga sulmi i marrë dhe me një urrejtje që vështirë mund të kuptohet mbi Bill Gatesin nga ana e Steve Jobs në biografinë e paraqitur së voni, Bill Gates gjatë një interviste dhënë ABC-së tha se të gjitha që janë thënë aty “nuk e pengojnë aspak” dhe se vazhdon të mendoj se “Steve Jobs ka bërë punë të shkëlqyeshme”.

Të gjitha këto ai i thënë duke u përgjigjur në pyetjen për të komentuar pohimet e Jobsit se ai është “ … parimisht pa ide dhe nuk ka shpikur asnjëherë asgjë, kështu që për të tani është më mirë në filantropi se sa në teknologji. Është turpshëm të vidhen idetë e tjetërkujt”, ka thënë Jobs, si dhe ka shtuar “… (Gates) thellësisht është qenie njerëzore me defekte”.

Por, Gates tha se përkundër disa “gjërave të vështira” të cilat i ndjeri Jobs i kishte thënë gjatë gjithë këtyre viteve sa njiheshin, ai nuk ishte malicioz. Sipas Gatesit, Jobs gjatë periudhave të ndryshme kohore ndjehej se ishte i sulmuar nga të gjitha anët.

“Mendonte se ai ishte djaloshi i mbarë, e ne të gjithë të tjerët djem të këqij. E respektoj Stevein për shkak se kishim mundësinë të punonim së bashku. E nxisnim njëri tjetrin, madje edhe kur ishin konkurrent. Të gjitha të thënat nuk më pengojnë”.

Për më shumë mendoj, vazhdoi ai, se edhe Microsoft ka pasur një rol në zhvillimin e Mac-ut: “Steve dhe unë kemi punuar së bashku, duke krijuar Mac-un. Ne (Microsoft) kishim njerëzit tonë atje dhe kemi bërë pjesët kyçe të softuerit për të”.

Sipas Gatesit, Jobs ishte i frustruar për shkak se gjatë 30 viteve të punës së kompanisë produktet e tija ishin shpesh tepër të shtrenjtë për të mbijetuar në tre, derisa Microsoft kishte produktin për tregun e gjerë dhe për të gjitha segmentet e tregut. /Telegrafi/