33 raste të reja me Kovid janë regjistruar gjatë 24 orëve të fundit nga gjithsej 3.777 testime të bëra. Të dhënat e Institutit të Shëndetit Publik tregojnë se janë shëruar 92 pacientë ndërsa jetë kanë ndërruar 11 persona. Ndërkohë procesi i vaksinimit vazhdon të rrjedhë. Deri më tash janë vaksinuar mbi 233.000 qytetarë nga rreth 430.000 të paraqitur. Ministri i Shëndetësisë Venko Filipce në facebook njoftoi se nga nesër do jetë në funksion faqja elektronike vakcinacija.mk/revaccination e cila do shërbejë për regjistrimin e qytetarëve të cilët janë vaksinuar jashtë vendit ndërsa dozën e dytë duan ta marrin në Maqedoni.
“Përmes regjistrimit të qytetarëve në këtë faqe do të kemi qasje të detajuar se për sa qytetarë bëhet fjalë, me cilat vaksina janë vaksinuar dhe kur duhet ta pranojnë dozën dytë. Kjo faqe për regjistrimin e rivaksinimit do jetë e hapur një javë, pas cka do të mbyllet dhe vetë procesi i regjistrimit të këtyre qytetarëve”, tha Venko Filipce, ministër i Shëndetësisë.
Ndërkohë pronarët e objekteve gastronomike kanë mirëpritur rekomandimin e komisionit për sëmundje ngjitëse për lehtësimin e masave, duke thënë se janë në pritje të detajeve mbi protokollin e organizimit të dasmave.
“E dimë vetëm se kemi leje të ketë muzikë, ndërkaq mbeten në fuqi të gjitha kushtet higjienike sanitare të cilat duhet të jenë në nivel. Absolutisht nuk kemi protokolle konkrete, për momentin ende presim shpjegim të gjithë situatës. Besoj se do të jepen drejtime nga ana e KSI që muzikantët të jenë të stacionuar në skenë nuk do ketë nevojë të zbresin në mesin e mysafirëve. Mos të harrojmë që ende jemi në pandemi, edhe pse masat janë lehtësuar nuk duhet të lëshohemi krejtësisht por duhet të jemi shumë të kujdesshëm dhe t’i respektojmë këta masa”, pohoi Marija Sinadinovska Arsovska nga Bordi iniciues i organizimit të ngjarjeve.
Nga bordi iniciues i organizimit të ngjarjeve thanë se do të kërkojnë që objektet të cilat nuk kanë hapësirë të jashtme të mund të punojnë me gjysmë kapaciteti në ambientin e mbyllur.
Komisioni për sëmundje ngjitëse ka rekomanduar që të lejohet organizimi i dasmave por me kusht që një tavolinë të ketë vetëm 6 persona të ulur ndërkaq objektet gastronomike të mos organizojnë manifestime me më shumë se 100 të ftuar./Alsat/
Lufta Prigozhin - Putin
Më shumëEkipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Gashi: Mandatori i ardhshëm për kryeministër duhet së pari të flasë me ne
Pasuria e kryetarit të Suharekës e deklaruar në Agjencinë për Parandalimin e Korrupsionit
Hyri ilegalisht nga Serbia në Kosovë, policia ndalon të dyshuarin
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur