Zëdhënësja e Aeroportit Ndërkombëtar të Prishtinës ‘Adem Jashari’, Valentina Gara, tha se po rritet numri i pasagjerëve në këtë aeroport. Për të plotësuar kërkesat e pasagjerëve, aeroporti prezanton edhe fluturimet çarter gjatë sezonit të festave dhe pushimeve vjetore.
“Vitin e kaluar, në Aeroportin e Prishtinës kanë kaluar gati tre milionë pasagjerë, ndërsa në fillim të gushtit 2023 është regjistruar një shifër prej dy milionësh, tha Gara në RTK2.
Sipas saj, gjatë sezonit të verës ne përgjithësisht prezantohen destinacione dhe linja ajrore të reja, sepse e kërkon tregu.
“Në kulmin e sezonit të pushimeve verore, destinacione të shumta turistike janë aktuale, veçanërisht në Turqi. Pastaj kemi fluturime çarter, jo linja të rregullta, kthehemi me linja të rregullta pas përfundimit të sezonit”, tha Gara.
Para sezonit ndërmerret organizimi i fluturimeve, punësimi i personelit shtesë, si dhe detaje të tjera, ndërsa çmimi i biletave diktohet nga kërkesa.
“Linjat ajrore vendosin për çmimet e biletave për destinacionet e dëshiruara. Para disa vitesh kishim një numër më të vogël të linjave ajrore dhe kjo është arsyeja që çmimet e biletave ishin më të larta. Tani po mundohemi të prezantojmë destinacione, kompani të reja dhe në këtë mënyrë të krijojmë konkurrencë në treg dhe në këtë mënyrë të sigurojmë çmime më të ulëta të biletave”, tha ajo.
Duke shtuar se për shkak të kërkesës së lartë, biletat e sezonit janë pak më të shtrenjta dhe çmimi i tyre bie në fund të sezonit.
“Ka një periudhe që biletat bien, ku fluturimet nuk shiten dhe mund të blihen më lirë, jashtë sezonit kemi edhe “loë cost”, pra kemi pasur bileta për në Milano 39 euro, por çmimet e tyre diktohen nga kërkesa. Duhet ta ndiqni edhe online, sepse kështu mund të merrni bileta më të lira avioni”, ka saktësuar Gara.
Zëdhënësja e Aeroportit të Prishtinës, Valentina Gara, u kujton udhëtarëve se për shkak të procedurës së nevojshme, duhet të jenë në aeroport dy orë para nisjes.
Promo
Reklamo këtuLufta Prigozhin - Putin
Më shumëPolicia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Bëhu banor i kryeveprës së Prizrenit - Grand Residence
Qysh bohet kerri i vogël, kerr i ri!
Me çka e shijon bukën ma s'shumti edhe pse bash me sugjukun Meka?
Nga qershori Aeroportit të Prishtinës i shtohet edhe një linjë e re fluturimi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe