LAJMI I FUNDIT:

Gana konfirmon tërheqjen e njohjes së Kosovës

Gana konfirmon tërheqjen e njohjes së Kosovës

Gana ka revokuar njohjen e saj, siç thotë, “të nxituar” të Kosovës – një veprim i mbështetur nga Serbia, e cila kundërshton shtetësinë për Kosovën.

Kështu shkruan agjencia e lajmeve AFP, duke u thirrur në një deklaratë të zëvendësministrit të jashtëm të këtij vendi.

“Qeveria e Ganës ka vendosur të tërheqë njohjen e Kosovës si një shtet i pavarur”, ka thënë për AFP, zëvendësministri i Jashtëm Charles Owiredu.

Siç ka shtuar ai, arsyet i janë komunikuar Serbisë, përmes një letre, përcjell Telegrafi.

“Vendimi për njohjen e Kosovës doli të ishte i nxituar”, citohet të jetë thënë në letër, për njohjen e saj në 2012.

“Gana ka marrë parasysh dialogun në vazhdim midis Serbisë dhe Kosovës që synon zgjidhjen e çështjes së kërkesës së kësaj të fundit për t’u njohur si një entitet i pavarur dhe sovran dhe mbështet procesin e vazhdueshëm për të sjellë deri te përfundimi i çështjes”, citohet të jetë thënë tutje.

MPJ reagon për tërheqjen e njohjes nga Gana: Propagandë e ndyrë nga Ivica Daçiq
Lexo po ashtu MPJ reagon për tërheqjen e njohjes nga Gana: Propagandë e ndyrë nga Ivica Daçiq

Sipas AFP-së, njoftimi mund të pengojë rifillimin e një dialogu të gjatë midis Beogradit dhe Prishtinës, i udhëhequr nga Bashkimi Evropian (BE), i cili është ngrirë për më shumë se një vit.

Kosova shpalli pavarësinë në vitin 2008 në atë që vlerësohet si “kapitulli i fundit i shpërthimit të gjatë dhe të përgjakshëm të Jugosllavisë”.

Siç komenton tutje AFP, Kosova njihet nga shumica e Perëndimit, por i duhet që Serbia – dhe aleatët e Beogradit Rusia dhe Kina – që të pranojnë shtetësinë e saj për të marrë një vend në OKB.

Një lajm i tillë fillimisht ishte dhënë nga ministri i Jashtëm serb, Ivica Daçiq, pas të cilit kishte reaguar Ministria e Punëve të Jashtme e Kosovës.

Jetlir Zyberaj, këshilltari i ministrit në detyrë të MPJ-së, Behgjet Pacolli, në një prononcim për Telegrafin ka thënë gjatë ditës se ky është një tjetër lajm i rrejshëm.

Zyberaj ka thënë se kjo është një propagandë e vazhdueshme dhe e ndyrë nga Ivica Daçiq. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Kalo në kategori