Galatasaray konfirmon detajet financiare të transferimit të Moratas nga Milani

Galatasaray lëshoi ​​një deklaratë duke dhënë detaje të sakta financiare të marrëveshjes së tyre me Milanin për transferimin e Alvaro Morata, i cili do luajë në Turqi si huazim me opsion blerje.

Reprezentuesi spanjoll fluturoi për në Stamboll këtë mëngjes dhe u prit në aeroport nga tifozët përpara se të përfundonte transferimin.

Sipas protokollit, klubi turk publikoi detajet e plota financiare të transferimet, pasi kishte dyshime se cilat ishin shifrat e sakta.

Galatasaray ka konfirmuar se ata do të paguajnë 6 milionë euro për transferimin e Moratas në huazim deri në janar 2026.

Lexo po ashtu Morata te Galatasaray, sa do të fitojë Milani nga shitja e tij

Ekziston një opsion që transferimi të bëhet i përhershëm deri më 15 janar 2026 për një tarifë prej 8 milionë euro, që do të paguhet me gjashtë këste.

Sidoqoftë, nëse zgjedhin të mos e aktivizojnë atë opsion në atë kohë, Galatasaray mund të zgjasë huazimin deri në qershor 2026 dhe t’i paguajë Milanit 3 milionë euro të tjera.

Profesyonel futbolcu Álvaro Borja Morata Martín’in 2 Şubat 2025 – 20 Ocak 2026 tarihleri arasındaki geçici transferi konusunda AC Milan SPA Kulübü ile anlaşmaya varılmıştır.

Buna göre, AC Milan SPA Kulübü’ne toplamda 6.000.000 euro geçici transfer bedeli ödenecektir.

Futbolcuya… pic.twitter.com/c7vdLWTNk7

— Galatasaray SK (@GalatasaraySK) February 2, 2025

Në atë moment, opsioni për të blerë kartonin e tij do të rritet në 9 milionë euro.

Gjiganti turk gjithashtu ka konfirmuar se Morata do të marrë një pagë prej 6 milionë eurosh në sezon./Telegrafi/