“The future is female”, mbrëmja që mblodhi mijëra persona për vetëdijësimin dhe emancipimin e gruas

Në shenjë mirënjohje për kontributin e grave ndër shekuj, brendi Mr.Rex organizon mbrëmje bamirësie pak ditë më parë në kryeqytet.

Kjo mbrëmje është titulluar “The future is Female”, që përkthyer në shqip, do të thotë “Femra është e ardhmja” .

Pjesë e mbrëmjes ishin shumë femra të njohura nga televizioni, politika e fusha tjera të ndryshme.

Në një prononcim për Telegrafin, stilisti i njohur Mr. Rex, ka treguar se cilat janë arsyet që çuan deri në ndërmarrjen e kësaj iniciative.

“Brendi Mr.Rex ka për qëllim të përçojë mesazhin që ‘Një grua e emancipuar, një shoqëri e shëndoshë’ , dhe me këtë lejmë të nënkuptohet se akoma shumë rrugë drejt emancipimit të femrës shqiptare”, tha Mr. Rex për Telegrafin.

I njëjti ka treguar se fondet e mbledhura nga kjo mbrëmje, shkojnë të gjitha për bamirësi.

“Fondet e mbledhura nga kjo mbrëmje do të shkojnë në ndihmë të grave përmes Qendrës Kosovare për Luftimin e Kancerit të Gjirit Jeta/Vita. Rrjeti i Grave të Kosovës (RrGK)gjithashtu ka përkrahur këtë ngjarje”, tha Mr. Rex.

Ky i fundit, është i njohur edhe për punimin e veshjeve që u bën fytyrave të shumta publike. /Telegrafi/