LAJMI I FUNDIT:

Frymëzimi i kinezëve nga vepra e Piro Milkanit

Frymëzimi i kinezëve nga vepra e Piro Milkanit

Marrëdhëniet e mira ndërmjet Kinës dhe Shqipërisë në vitet 1960-’70, rriten bashkëpunimin e dy shteteve mes tyre. Palët patën marrëveshje në industri, por ndikim pati dhe arti, e sidomos kinematografia.

Filmat shqiptarë u përkthyen në gjuhën kineze dhe patën jehonë shumë të madhe atje. “Ngadhnjim mbi vdekjen” dhe “I teti në bronx” madje u vlerësuan në maksimum nga audienca.

“Ngadhnjim mbi vdekjen” u bë pjesë e filmit kinez “Electric Shadow” (Hijet elektrike) të vitit 2004, ndërsa deri në 1990 ishte filmi që kishte shitur më shumë bileta në kinematë kineze.

Regjisori Piro Milkani thotë se filmi ka patur shumë sukses në Kinë, pasi trajtonte temën e luftës.

“Populli kinez është shumë i ndjeshëm, pasi ka vuajtur shumë nga okupacioni japonez. Kanë ndjerë shumë muzikën e filmit, që vitet e fundit është kthyer në himnin e shoqatës së grave kineze që kanë luftuar kundër japonezëve”, tha Milkani.

Filmi “Hijet Elektrike” u shfaq për herë të parë në Evropë në festivalin e Roterdamit, ku janë edhe 8-10 minuta fragmente të shkëputura nga “Ngadhnjim mbi vdekjen”.

“Unë isha në atë festival për ta parë nga afër filmin. Regjisorja e filmit tregoi se ishte frymëzuar nga ‘Ngadhnjim mbi vdekjen’”, tha Milkani. /Shqip/