“Formon” nga Kosova fiton në Catch Challenge në Beograd, merr çmimin prej 130 mijë eurove!

Kompania kosovare e cila ka “shpërthyer” në tregun ndërkombëtar, Formon 3D së fundmi e ka arritur edhe një sukses të jashtëzakonshëm.

Themeluesit e Formon dje kanë fituar edhe në një garë të rëndësishme të bizneseve startup, prej nga e kanë marrë çmimin dhe shpërblimin financiar prej 130 mijë eurove.

E për ta bërë edhe më domethënëse arritjen e tyre, Formon ka fituar këtë çmim midis kryeqytetit serb, Beogradit.

“Me kënaqësi të madhe ne njoftojmë se Formon është fitues i çmimit “Innovation” në ‘CATCH Challenge’ të Foundcenter Investment të mbajtur në Beograd, ku konkuruan mbi 850 biznese nga mbarë bota”.

With great pleasure we announce that Formon is the winner of the Innovation prize in 'CATCH' foundcenter investment held in Belgrade where we competed with over 850 businesses worldwide. Formon-era is knocking at your door

A photo posted by Formon (@formon3d) on Sep 29, 2016 at 12:53pm PDT

Fondi i përgjithshëm i investimeve të ngritura nga Foundcenter Investimeve Berlin, Los Angeles dhe Beograd arrinë në 100 milionë euro, thuhet në përshkrimin e organizatës që ka organizuar garën e ideve inovative të quajtur Catch.

Këtu mund ta shihni listën e gjithë bizneseve dhe ideve që kanë marrë pjesë, si dhe listën e gjithë atyre projekteve dhe ideve inovative që janë shpërblyer me mjete të konsiderueshme për investime kapitale.

Formon ka njoftuar më herët se produkti i saj Formon Core do të debutojë së shpejti në treg, dhe ne do të mund ta kemi atë në zyrat dhe shtëpitë tona.

Formon e ka fituar edhe titullin e Innovation of the Year Award në Albanian ICT Awards.

So thrilled that Formon Core won the Innovation of the Year Award @ Albanian ICT Awards! Let's #3Dprint our way to the future! #3Dprinter #3Dprinting #technology #Kosovo

A photo posted by Formon (@formon3d) on Apr 29, 2016 at 1:32pm PDT