Forcat ruse po tërhiqen nga disa zona, thonë zyrtarët ukrainas

Deklaratat nga Moska të premten nxitën disa të sugjeronin se ajo po zvogëlonte synimet e saj për pushtimin, pasi ministria e saj e mbrojtjes pretendoi se po fokusohej në “qëllimin kryesor” të saj për çlirimin e Donbasit.

Në dritën e këtyre komenteve, zhvillimet rreth lëvizjeve të trupave do të jenë në qendër të vëmendjes, me disa të dhëna që mbështesin nocionin se forcat e armatosura të Rusisë po ndryshojnë rrugën, përcjell Telegrafi.

Lexo po ashtu Ushtarët e plagosur rusë duken të tmerruar ndërsa u jepen ‘medaljet e trimërisë për kontributin në Ukrainë’

Kryetari i bashkisë së Slavutych – ku jetojnë punëtorët e termocentralit bërthamor të Çernobilit – tha këtë mëngjes se trupat ruse ishin larguar nga qyteti – pas raportimeve gjatë fundjavës se ata e kishin pushtuar atë.

Ndërkohë, forcat e armatosura të Ukrainës thanë në orët e para të mëngjesit të sotëm se disa trupa ruse po tërhiqeshin nga rajoni i Kievit në Bjellorusi.

Lexo po ashtu Disa nga zhvillimet e fundit atje, kur jemi në ditën e 33-të të agresionit rus në Ukrainë

“Rigrupimi i njësive individuale nga Distrikti Ushtarak Lindor vazhdon”, thuhet në një postim në faqen e Forcave të Armatosura të Ukrainës në Facebook.

“Njësitë që kanë pësuar humbje të konsiderueshme gjatë operacioneve sulmuese zakonisht vendosen në Bjellorusi për të rivendosur aftësinë luftarake”.

Sidoqoftë, Sky News shkruan se këto raporte nuk mund të verifikohen. /Telegrafi/