“Do flasim pas dyerve të mbyllura, jam i befasuar”, Tuchel flet për Lukakun pas intervistës bombastike të sulmuesit

Trajneri i Chelseat, Thomas Tuchel ndihet i befasuar me intervistën e fundit të dhënë nga sulmuesi Romelu Lukaku, i cili tha se nuk ndihet i lumtur te Blutë dhe nën urdhrat e trajnerit gjerman.

Lukaku befasoi gjithë botën e futbollit të enjten mbrëma në një intervistë bombastike për mediat italiane.

Sulmuesi belg zbuloi se nuk ndihet i lumtur te Chelsea dhe nuk po e gjen veten dhe formën nën urdhrat e gjermanit Tuchel.

Lexo po ashtu Lukaku shpërthen në intervistën e fundit ndaj Tuchel dhe Chelseat: Nuk jam i lumtur, por nuk dorëzohem – dua të kthehem te Interi

Ai gjithashtu u kërkoi falje tifozëve të Interit, teksa nuk përjashtoi një rikthim të mundshëm te Nerazzurrët.

I menjëhershëm ka qenë reagimi i trajnerit të Chelseat, Tuchel, i cili ndihet i befasuar me fjalët e Lukakut dhe tha se do të flas personalisht me të.

“Të jemi të sinqertë – nuk më pëlqen sepse sjell zhurmë që nuk na duhen. Është e lehtë t’i heqësh rreshtat jashtë kontekstit – sigurisht që nuk më pëlqen, është zhurmë që nuk kemi nevojë dhe nuk ndihmon”, ka thënë fillimisht Tuchel.

“Me Lukakun do të flasim hapur pas dyerve të mbyllura. Jam i befasuar sepse nuk e shoh të pakënaqur – e kundërta”.

Lexo po ashtu Lukaku refuzoi të krahasoj skuadrën e Contes dhe të Inzaghit, por shpreson që Interi ta fitojë Scudetton

“Ne këtu mund të marrim kohë për të provuar të kuptojmë se çfarë po ndodh me Romelun, kjo nuk pasqyron qëndrimin e përditshëm”.

“Nëse je një lojtar kaq i madh siç është Romelu… ai me siguri e di se çfarë lloj vlere ka kur flet”, përfundoi trajneri i Chelseat. /Telegrafi/