“Fjora Vita Spitex” – historia e suksesit të dy shqiptareve nga Kosova që themeluan kompaninë e shërbimeve shëndetësore në Zvicër
Fjolla Hajdini dhe Ramize Elezi, dy shqiptare nga Kosova, kanë ndërtuar një histori suksesi që përshkruan jo vetëm ambicien dhe përkushtimin, por edhe përkrahjen dhe ndikimin në komunitetin që i ka mirëpritur në Zvicër.
Ato janë themelueset e “Fjora Vita Spitex“, një kompani private që ofron kujdes shëndetësor personalizuar jashtë mjedisit tradicional të spitalit, një koncept i njohur në Zvicër si “spitex”, i cili vjen nga termi gjerman “spital-extern”.
“Fjora Vita Spitex”, me një emër që frymëzon jetë dhe forcë, është rezultati i një vizioni që synon të ndihmojë njerëzit që përballen me sfida shëndetësore të qëndrojnë në rehatinë e shtëpisë së tyre, duke u ofruar atyre mbështetje, ndihmë dhe këshillë. Shërbimet që ofron kjo kompani janë të gjera dhe të personalizuara, duke përfshirë kujdesin ambulator, kujdesin personal dhe mirëmbahtjen e shtëpisë.
Stafi infermieror i “Fjora Vita Spitex” bën një kontribut të jashtëzakonshëm në ruajtjen e cilësisë së jetës së klientëve të tyre. Me një qasje që bazohet në dashuri dhe profesionalizëm, ata bëjnë më shumë se sa thjesht të japin ndihmë; ata krijojnë një lidhje të veçantë me çdo klient, duke u dedikuar për të përballuar çdo sfidë që mund të shfaqet në rrugën e tyre.
Shërbimet e “Fjora Vita Spitex” janë të disponueshme për njerëz në çdo fazë të jetës, nga ata që kenë nevojë për ndihmë pas një aksidenti apo sëmundjeje, deri tek përkujdesja e fundit të jetës.
Për Fjollën dhe Ramizën, ky projekt nuk është vetëm një biznes, por një mision për të mbështetur ata që kanë më së shumti nevojë dhe për të lehtësuar barrën e përkujdesjes për familjet.
Këto dy zonja kanë treguar se me vullnet dhe përkushtim, mund të arrish sukses edhe në një shtet të huaj si Zvicra.
Ato janë bërë jo vetëm një simbol i shërbimit të shkëlqyer shëndetësor, por edhe një burim frymëzimi për shqiptarët kudo, duke treguar se origjina nuk përcakton fatin, por përkushtimi dhe ndershmëria e punës së ndershme.
“Fjora Vita Spitex” tashmë është bërë emër në komunitet për shkak të standardeve të larta të kujdesit dhe mbështetjes së pakompromis, ndërsa Fjolla dhe Ramize vazhdojnë të punojnë me përkushtim për të ndërtuar një të ardhme më të mirë për klientët dhe familjet e tyre në Zvicër. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë