Ish-deputeti i Kuvendit të Kosovës, njëherësh autori i obeliskut ‘Newborn’, Fisnik Ismaili, nuk është i vetmi personazh i njohur nga familja e tij.
Kjo pasi të gjithë thuajse e dinë se ai është djali i xhaxhait të motrave këngëtare, Adelina e Zanfina Ismaili.
E duket se kontaktet dhe takimet e ik a të shpeshta me kushërirat e tij, të cilat mund të thuhet lirshëm se kanë bërë revolucion në muzikën shqiptare.
Fisniku ka publikuar së fundmi në llogarinë e tij në Facebook një fotografi, nga takimi me Adelinën gjatë pasdites të së premtes.
Dy kushërinjtë dukeshin mjaft të lumtur dhe të buzëqeshur teksa pozuan krah njëri-tjetrit.
“Ju sfidojmë me i gjet dy kushërinj më të mirë”, shkroi ish-deputeti Ismaili në mbishkrimin e fotografisë.
Kujtojmë që aktualisht Adelina nuk është aktive në muzikë, por në televizion me prezantimin e një emisioni javor.
Larg gazetarisë nuk po qëndron as Zanfina, e cila është e punësuar në një nga radiot e Kosovës, gjithashtu në drejtimin e një emisioni. /Telegrafi/
